ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. Раванди овоздиҳӣ дар интихоботи президентӣ дар мамлакат ба охир расид

Октябрь 11, 2020 20:45

ДУШАНБЕ, 11.10.2020. /АМИТ «Ховар»/. Раванди овоздиҳӣ дар интихоботи президентӣ дар мамлакат  хотима ёфт. Натиҷаҳои пешакии интихоботи Президенти  Ҷумҳурии Тоҷикистон  пагоҳ, 12 октябри  соли 2020 эълон карда мешаванд. Дар ин бора ба хабарнигори АМИТ «Ховар» Раиси Комиссияи марказии интихобот ва раъйпурсии Ҷумҳурии ТоҷикистонБахтиёр Худоёрзода иттилоъ дод.

Интихоботи навбатии Президенти Ҷумҳурии Тоҷикистон бо иштироки фаъолонаи интихобкунандагон аз соати 6-и субҳ то 20:00  шаффоф ва ошкоро гузашт. Иштироки озодонаи интихобкунандагон ва ширкати 159 нафар мушоҳидони байналмилалӣ аз  Федератсияи Россия, Ҷумҳуриҳои Озарбойҷон, Ӯзбекистон, Қазоқистон, Ҷумҳурии Исломии Афғонистон, созмонҳои байналмилалию минтақавӣ, аз қабили Иттиҳоди Давлатҳои Мустақил, Ассамблеяи байнипарлумонии давлатҳои иштирокчии Иттиҳоди Давлатҳои Мустақил, Созмони ҳамкории Иқтисодӣ,   Созмони ҳамкории Шанхай,  Дафтари ниҳодҳои демократӣ ва ҳуқуқи инсони Созмони Амният ва Ҳамкорӣ дар Аврупо, Маҷлиси байнипарлумонии Россияву Беларус, сафоратхонаҳои  муқими Тоҷикистон, аз ҷумла Ҷумҳурии Халқии Хитой, Штатҳои Мутаҳидаи Америка, Ҷумҳурии Исломии Покистон, Япония, Федератсияи Россия, Британияи Кабир, Ҷумҳурии Федеративии Олмон, Туркманистон, Давлати Қатар, Ҷумҳурии Қирғизистон ва Украина ва 15108  нафар мушоҳидони миллӣ дар раванди интихобот далели ин гуфтаҳо мебошад.

Баъди соати 20:00 овоздиҳӣ ба охир расид ва комиссияҳои участкавӣ ба ҳисобкунии овозҳои интихобкунандагон шурӯъ менамоянд. Натиҷаи ҷамъбасти интихобот бо протоколи комиссияи участкавӣ ба расмият дароварда шуда, ба комиссияҳои ҳавзавӣ ирсол карда мешаванд.

Натиҷаҳои интихоботи Президенти Ҷумҳурии Тоҷикистон пагоҳ соати 10:00 эълон карда хоҳанд шуд.

Октябрь 11, 2020 20:45

Хабарҳои дигари ин бахш

НОЗИРОНИ АССАМБЛЕЯИ БАЙНИПАРЛУМОНИИ ИДМ: таҷрибаи Тоҷикистон ҳангоми гузаронидани интихобот дар дигар давлатҳои Иттиҳод муфид хоҳад буд
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН -2020. Дар Ҷумҳурии Тоҷикистон интихоботи президентӣ баргузоргардида ҳисобида шуд
Дар Норак то соати 12:00 56,2% интихобкунандагон барои фардои Ватан овоз доданд
ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОН-2020. То соати 12:00 ду миллиону 295 ҳазору 459 нафар ё 46,44% интихобкунандагон дар интихобот ширкат варзиданд
Дар участкаҳои интихоботии ҳавзаи Исфара, №27 барои шаффоф ва ошкоро баргузор шудани интихобот шароити зарурӣ муҳайёст
Дар ҳавзаи интихоботии №60-и ноҳияи Муъминобод беш аз 31 ҳазор нафар раъй додаанд, ки 66 фоизро ташкил медиҳад
Дар се участкаи интихоботии Хоруғ то соати 11:00 зиёда аз 50 фоизи интихобкунандагон раъй доданд
Дар ҳавзаи интихоботии Рашт, №9 то соати 11:00 беш аз 26 ҳазор интихобкунандагон ба номзадҳои арзанда овоз доданд
Анвар Аъзамов: Дар Ҳисор мардум бо рӯҳияи ватандӯстӣ ва умед ба фардои дурахшони Тоҷикистон раъй медиҳанд
Шаҳрвандони мамлакат дар интихоботи Президенти Ҷумҳурии Тоҷикистон дар хориҷи кишвар иштирок доранд
ИМРӮЗ – РӮЗИ КОРМАНДОНИ МАҚОМОТИ АДЛИЯ. Ин ниҳод дар сафи пеши ҳифзи ҳуқуқу озодиҳои асосии инсон ва шаҳрванд, ҳимояи қонуният ва адолат қарор дорад
Исмон Хушбахтов, раиси ҳавзаи интихоботии Кӯлоб, №45: «Интихобот дар шаҳри Кӯлоб дар сатҳи баланд ҷараён дорад»