Миссияи мушоҳидони СҲШ интихоботи дар Тоҷикистон баргузоршударо шаффоф, боэътимод ва демократӣ арзёбӣ намуд

Октябрь 12, 2020 14:20

ДУШАНБЕ, 12.10.2020 /АМИТ «Ховар»/. Интихобот дар Тоҷикистон ба талаботи қонунгузории интихоботи Ҷумҳурии Тоҷикистон ва уҳдадориҳои байналмилалии мамлакат мутобиқ буд. Интихобот дар заминаи васеи рақобат дар фазои ошкорбаёнӣ ва шаффофияти маъракаи интихоботӣ бо иштироки фаъолонаи намояндагони ҷомеаи шаҳрвандӣ ва фароҳам овардани шароити мусоид барои интихоби мустақилона ва огоҳона баргузор гардид. Дар ин бора имрӯз зимни нишасти матбуотӣ тариқи онлайн дабири Созмони Ҳамкории Шанхай (СҲШ) Владимир Норов  иброз дошт.

Мавсуф иброз намуд, ки 11 октябр  СҲШ бо даъвати Вазорати корҳои хориҷии Ҷумҳурии Тоҷикистон 54-умин Миссияи мушоҳидонро оид ба ҷараёни гузаронидани интихоботи Президенти Ҷумҳурии Тоҷикистон доир намуд.

«Даъват кардани мушоҳидони байналмилалӣ аз ҷониби Миссияи СҲШ бо он баҳогузорӣ карда мешавад, ки  роҳбарони Ҷумҳурии Тоҷикистон ба хотири баргузор намудани  интихоботи шаффоф, боэътимод ва демократӣ ин амалро иҷро намудаанд. Миссия вазифаи худро дар интихоботи президентӣ пурра иҷро намуд»,-зикр кард номбурда.

Миссия аз 16 мушоҳиди аккредитатсияшуда — намояндагони мақомоти қонунгузорӣ, иҷроия ва интихобот, муассисаҳои илмӣ, дипломатҳои кишварҳои узви СҲШ, инчунин кормандони котиботи СҲШ  иборат мебошад. Онҳо давоми фаъолияташон аз 84 участкаи интихоботӣ дидан карданд. Қитъаи овоздиҳӣ барои мушоҳида аз ҷониби аъзои Миссия мустақилона интихоб карда шудааст. “Барои ташриф овардан ба участкаи мушаххас барои аъзои Миссия ҳеҷ монеае набуд”,-гуфта шуд дар нишасти матбуотӣ.“Дар Ҷумҳурии Тоҷикистон барои истифодаи баробар ва озодонаи маъюбон аз тамоми ҳуқуқҳои конститутсиониашон шароит ва имконоти зарурӣ фароҳам оварда шудаанд. Аз ҷумла, барои мусоидат дар татбиқи ҳуқуқҳои интихоботии шаҳрвандони маъюб КМИР дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон 10 000 ихтиёриёнро ҷалб карда, омӯзонид, ки дар сабти овоздиҳандагон, паҳн намудани маълумот дар бораи интихоботи президентӣ ва мусоидат дар интихобот ба пиронсолон ва шахсони маъюб кумак карданд. Аз ҷумла, волонтёрон ба намояндагиҳои гуногуни байналмилалӣ оид ба мушоҳидаи  интихоботи Президенти Ҷумҳурии Тоҷикистон кумаки зарурӣ расониданд”,- афзуд Владимир Норов.

Миссия бо роҳбарони Вазорати корҳои хориҷӣ ва Комиссияи марказии интихобот ва раъйпурсии Ҷумҳурии Тоҷикистон, инчунин бо раисон, котибон ва аъзои комиссияҳои шаҳрӣ, ноҳиявӣ ва участкавии интихоботӣ, интихобкунандагон, нозирони маҳаллӣ, намояндагони ҳизбҳои сиёсӣ ва ВАО якчанд вохӯриву суҳбатҳо анҷом дод.

Ёдовар мешавем, ки 11 октябри соли 2020 дар Тоҷикистон интихоботи Президенти Ҷумҳурии Точикистон  баргузор шуд.

 

Октябрь 12, 2020 14:20

Хабарҳои дигари ин бахш

ХАБАРИ ФАВРӢ! Дар Тоҷикистон 39 ҳолати нави сирояти COVID-19 ба қайд гирифта шуд
COVID-19. Дар Тоҷикистон шумораи гирифторони коронавируси нав ба 11815 нафар расид
COVID-19. Дар Тоҷикистон 94,7% гирифторони коронавируси нав шифо ёфтанд
ВАЗОРАТИ ТАНДУРУСТӢ ВА ҲИФЗИ ИҶТИМОИИ АҲОЛӢ ҲУШДОР МЕДИҲАД: касоне, ки сигор мекашанд, бемории коронавирусро вазнин мегузаронанд
ХАБАРИ ФАВРӢ! Дар Тоҷикистон 42 ҳолати нави сирояти COVID-19 ба қайд гирифта шуд
СИТОДИ ҶУМҲУРИЯВӢ: Гузаронидани ҳама гуна чорабиниҳои тантанавӣ ба муносибати Соли нави мелодии 2021 дар қаламрави кишвар манъ аст
ТОҶИКИСТОН ТОРАФТ БЕШТАР РУШД МЕКУНАД. Мавқеи кишвари мо дар раддабандии ҷаҳонии маркази таҳлилии Британия ҳашт зина боло рафт
ЕВГЕНИЙ ПРИМАКОВ: «ПЕШ АЗ ҲАМА, МО БА ОМАДАНИ ДОНИШҶӮЁН АЗ КИШВАРҲОИ ИДМ БА РОССИЯ ҲАВАСМАНДЕМ». Роҳбари нави Россотрудничество ба саволи хабарнигори АМИТ «Ховар» посух дод
«ШАХСИЯТИ ЭМОМАЛӢ РАҲМОН БО ТАЪРИХИ ТОҶИКИСТОН ТАВЪАМ АСТ». Чунин мешуморад сиёсатшиноси рус, мудири шуъбаи Осиёи Миёна ва Қазоқистони Пажӯҳишгоҳи кишварҳои ИДМ Андрей Грозин
Тақсимоти китоби «Тоҷикон»-и Бобоҷон Ғафуров ба ҳар оилаи мамлакат оғоз мегардад
Роҳбари намояндагии СУТ Бахтигул Карриева: «Таҷриба ва коргузории кормандони муассисаҳои тиббии Суғд дар пешгирии ин беморӣ барои дигар кишварҳо намуна мебошад»
COVID-19. Дар Тоҷикистон шумораи гирифторони коронавируси нав ба 11649 нафар расид