МУШОҲИДОНИ БАЙНАЛМИЛАЛӢ: Комиссияи марказии интихобот ва раъйпурсии Тоҷикистон ҷиҳати баргузор намудани интихоботи дарпешистода омодагии ҷиддӣ дидааст
ДУШАНБЕ, 10.10.2020 /АМИТ «Ховар»/. Бо мақсади мушоҳидаи раванди интихоботи Президенти Ҷумҳурии Тоҷикистон иштироки 156 нафар мушоҳидони байналмилалӣ дар назар аст, ки аксари онҳо аллакай фаъолияти худро дар ин самт оғоз намуданд.
Имрӯз Раиси Комиссияи марказии интихобот ва раъйпурсии Тоҷикистон (КМИР) Бахтиёр Худоёрзода муовини роҳбари ҳайати мушоҳидон аз Кумитаи иҷроияи Иттиҳоди Давлатҳои Мустақил Сергей Бурутинро ба ҳузур пазируфт. Дар рафти мулоқот мушоҳидон аз омодагии Комиссияи марказии интихобот ва раъйпурсии Ҷумҳурии Тоҷикистон ва тарзи ташкили кор изҳори қаноатмандӣ карданд.
Раиси КМИР имрӯз инчунин бо раиси Комиссияи марказии интихобот ва раъйпурсии Ҷумҳурии Ӯзбекистон Мирзо–Улуғбек Абдусаломов мулоқот кард. Ҳайати мушоҳидон аз Ҷумҳурии Ӯзбекистон ба ташкили раванди интихобот, чораҳои андешидашудаи беҳдоштӣ дар ҳавза ва участкаҳои интихоботӣ баҳои баланд дода, дар баргузории ин маъракаи муҳими сиёсӣ мувафаққият орзу намуданд.
Бахтиёр Худоёрзода имрӯз ҳайати мушоҳидон аз Иттиҳоди байнипарлумонии давлатҳои иштирокчии ИДМ-ро низ, ки бо мақсади мушоҳидаи раванди интихобот дар Тоҷикистон қарор доранд, ба ҳузур пазируфт. Роҳбари ҳайати мушоҳидон Олег Мелниченко, раиси Кумитаи Шурои Федератсияи Маҷлиси Федералии Россия, ҳангоми мулоқот иброз дошт, ки КМИР ҶТ дар самти тайёрӣ ва баргузор намудани интихоботи дар пешистода омодагии ҷиддӣ дидааст. Номбурда вобаста ба омодагии ҳавза ва участкаҳои интихоботӣ низ изҳори қаноатмандӣ намуд. Дар мулоқот котиби Генералии Шӯрои Ассамблеяи байнипарлумонии давлатҳои иштирокчии ИДМ Дмитрий Кобитский ва роҳбари котиботи Шӯрои Ассамблеяи байнипарлумонии давлатҳои иштирокчии ИДМ иштирок доштанд.
Имрӯз мулоқоти Раиси КМИР ҶТ бо ҳайати мушоҳидон аз Комиссияи марказии интихоботи Федератсияи Россия низ баргузор гардид, ки дар рафти он оид ба масъалаҳои омодагӣ ба интихобот ва дигар мавзӯъҳои вобаста ба он табодули назар карда шуд.
Дар баробари ин Раиси КМИР ҶТ имрӯз намояндагонро аз Комиссияи мустақили интихоботии Ҷумҳурии Афғонистон низ ба ҳузур пазируфт. Ҳайати мазкур назари худро дар бораи тартиби ташкили раванди интихобот дар Ҷумҳурии Тоҷикистон иброз доштанд.
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
