Тоҷикистон бо Чин ва Туркия парвозҳои мустақим барқарор менамояд
ДУШАНБЕ, 06.10.2020/АМИТ «Ховар»/. Шурӯъ аз моҳи октябр парвози мустақими ҳавопаймоҳо дар масири Душанбе-Истанбул /Туркия/ ва Душанбе-Урумчӣ /Чин/ баъд аз 7 моҳи танаффус барқарор мегардад.
Тасмими барқарор намудани парвозҳо дар масири Душанбе-Истанбул ва Душанбе-Урумчӣ,- мегӯяд директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода,-тибқи қарори Ситоди ҷумҳуриявӣ оид ба пешгирӣ аз паҳншавии бемории коронавирус-Ковид -19 ва бо назардошти риояи ҳатмии санитарию эпидемикӣ гирифта шудааст.
Икром Субҳонзода афзуд, ки парвоз дар самти Душанбе-Истанбул ҳафтае ду маротиба аз ҷониби ширкатҳои ҳавопаймоии «Somon Air»-и Тоҷикистон ва «Turkish Airlines»-и Туркия сурат мегиранд. Нархи чиптаҳои ҳавопаймо дар ин масир дар салоҳияти ширкатҳои ҳавопаймоӣ қарор дорад.
Парвози мустақими ҳавопаймо дар масири Душанбе-Урумчӣ вобаста ба теъдоди мусофирон дар ду ҳафта як маротиба аз ҷониби ширкатҳои ҳавопаймоии Тоҷикистон — «Somon Air» ва Чин — «China Southern Airlines» анҷом дода мешавад. Инчунин ба роҳ мондани парвозҳои мустақим байни шаҳрҳои Душанбе-Тошканд аз ҷониби Ҳукумати мамлакат дар ҳоли бозбинӣ қарор дорад.
Зимни парвоз мусофирон ҳатман бояд бо худ ҳуҷҷати натиҷаи ташхиси тиббӣ оид ба манфӣ будани COVID-19 дошта бошанд, ки он пеш аз 72 соати парвоз дар ташхисгоҳҳое, ки ба таҳлили саломатии беморони марбут ба COVID-19 машғуланд, ба таври ройгон дода мешавад.
Бояд тазаккур дод, ки шурӯъ аз 20 марти соли равон Тоҷикистон парвозҳои ҳавопаймоҳоро дар иртибот ба хуруҷи вируси COVID-19 ба бисёр кишварҳои дунё қатъ намуда буд, ки ҳадафаш пешгирӣ аз зуҳури ин вирус ва таъмини саломатии аҳолии мамлакат арзёбӣ мегардид. Алҳол дар масири Душанбе –Дубай парвози мустақим сурат гирифта, инчунин байни Душанбе ва бархе аз шаҳрҳои Россия парвозҳои махсус барои овардани шаҳрвандони мамлакат анҷом дода мешаванд.
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
