Акмалиддин Каримов аз Чемпионати ҷаҳон оид ба самбо бо медали нуқра ба Ватан баргашт

Ноябрь 10, 2020 15:58

ДУШАНБЕ, 10.11.2020 /АМИТ «Ховар»/.  Мураббии дастаи варзишии қисми низомии  Раёсати қӯшунҳои дохилии Вазорати корҳои дохилии Ҷумҳурии Тоҷикистон, лейтенанти калон Акмалиддин Каримов дар Чемпионати ҷаҳон оид ба самбо дар Сербия дар вазни 57 кило ҳунарнамоӣ намуда, бо медали нуқра ба Ватан баргашт.

Дар ин бора хабарнигори АМИТ «Ховар» бо истинод ба маркази матбуоти Вазорати корҳои дохилии Ҷумҳурии Тоҷикистон иттилоъ медиҳад.

Чемпионати мазкур аз 5 то 9 ноябр дар Ҷумҳурии Сербия доир гардида, дар он намояндагони кишварҳои ҷаҳон иштирок намуданд.

Дар ин сабқат Акмалиддин Каримов дар чанд марҳила ба рақибони худ аз кишварҳои Франсия, Ӯзбекистон ва Украина дастболо гардида, дар даври ниҳоӣ танҳо аз варзишгари Федератсияи Россия Владимир Гладких мағлуб шуд. Бо ҳамин барандаи медали нуқраи чемпионати ҷаҳон гардида, парчами Ватани азизи хешро дар арсаи байналмилалӣ барафрохт.
Акмалиддин Каримов қаблан 4 маротиби барандаи медали нуқра ва 3 медали биринҷии чемпионатҳои ҷаҳон миёни ҷавонон, 2 карат чемпиони ҷаҳон миёни наврасону ҷавонон, 5 карат қаҳрамони Осиё, 5 карат қаҳрамони Ҷоми ҷаҳон буда, 16 карат ғолиби чемпионатҳои Ҷумҳурии Тоҷикистон, барандаи дигар ҷоизаву мақомҳои ифтихорӣ дар сатҳи байналмилалию ҷумҳуриявӣ мебошад.

Номбурда Устоди шоистаи варзиши Тоҷикистон оид ба гӯштини самбо буда, ҳамзамон шогирдони зиёдеро дар ин соҳаи варзиш тарбия менамояд.

Ноябрь 10, 2020 15:58

Хабарҳои дигари ин бахш

Паҳлавонони Тоҷикистон, Узбекистон ва Русия ғолиби Мусобиқаи байналмилалӣ оид ба гӯштингирӣ дар шаҳри Душанбе гардиданд
Тоҷикистон мизбони бозиҳои интихобии Ҷоми Осиё-2026 байни духтарон (U-20) интихоб шуд
РӮЗИ ҶАҲОНИИ ФУТБОЛ. Ҳафтаи ҷаҳонии футбол ба таври густарда доир мегардад
Шоҳҷоизаҳои гӯштини миллии шаҳри Роғунро паҳлавонҳо аз Тоҷикистон ва Узбекистон сазовор шуданд
ФУТБОЛ. Қуръакашии марҳилаи муқаддамотии Ҷоми Тоҷикистон-2025 баргузор шуд
ФУТБОЛ. Дастаи мунтахаби Тоҷикистон бо тими миллии Камбоҷа бозии дӯстона анҷом медиҳад
Ҷудочиёни тоҷик барои иштирок дар чемпионати Осиё ба Тайиланд сафар намуданд
Аз Тоҷикистон дар мусобиқаи «Dushanbe Grand Slam 2025» 36 варзишгар иштирок менамояд
Ҳайати паҳлавонони тоҷик барои иштирок дар Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» муайян шуд
Варзишгарони тоҷик дар Чемпионати Осиё ва Уқёнусия оид ба самбо соҳиби 27 медал гардиданд
Шоҳҷоизаҳои гӯштини миллии шаҳри Ваҳдатро Сомон Аламов ва Ғазалшои Давлатшо сазовор шуданд
Ғолибону ҷоизадорони 15-умин Ниммарафони байналмилалии шаҳри Душанбе муайян гардиданд