Дар Тоҷикистон нахустин Намоишгоҳи универсалии онлайнӣ — «Made in Tajikistan 2020» доир мегардад
ДУШАНБЕ, 25.11.2020 /АМИТ «Ховар»/. Аз 26 ноябр то 17 декабри соли равон дар ҷумҳурӣ нахустин Намоишгоҳи универсалии онлайнии «Made in Tajikistan 2020» доир мегардад.
Тавре аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, дар намоишгоҳи мазкур 150 ширкат дар соҳаҳои саноати хӯрокворӣ, саноати сабук, сохтмон, нақлиёт, ҳунармандӣ хизматрасонӣ ва сайёҳӣ молу маҳсулот ва хизматрасониҳои худро муаррифӣ менамоянд.
Платформаи намоишӣ аз ҷониби Палатаи савдо ва саноати Ҷумҳурии Тоҷикистон ва бо дастгирии молиявии Агентии Германия оид ба ҳамкории байналмилалӣ (GIZ) ташкил гардида, мақсад аз он ба бозорҳои хориҷӣ баровардани маҳсулоти истеҳсолкунандагон ва содироткунандагони Ҷумҳурии Тоҷикистон, рушди иқтидори содиротӣ, дарёфти бозорҳои нав, тавсеаи ҳамкории ширкатҳои тоҷикӣ ва хориҷӣ, инчунин ҷалби сармоя мебошад.
Иштироккунандагони намоишгоҳ маълумоти заруриро дар бораи ширкат, намунаҳои маҳсулоти виртуалӣ, видеоҳо ва ғайра бо забонҳои русӣ ва англисӣ пешниҳод менамоянд.
Дар платформаи намоишгоҳи мазкур дигар маълумоти муфид ва истинод барои ширкатҳои хориҷӣ, аз ҷумла маълумот оид ба имтиёзҳои пешниҳоднамудаи Ҳукумати Ҷумҳурии Тоҷикистон ҷойгир карда мешаванд.
Хоҳишмандон барои боздид аз намоишгоҳи онлайнии «Made in Tajikistan» метавонанд ба суроғаи www.expotajikistan.tj ворид шаванд.
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
