Дар Вазорати корҳои дохилӣ гурӯҳи корӣ оид ба пешгирии ҷинояткории ноболиғон таъсис ёфт
ДУШАНБЕ, 26.11.2020 /АМИТ «Ховар»/. Оид ба амалӣ намудани Қарори Ҳукумати Ҷумҳурии Тоҷикистон аз 30 июли соли 2020 «Дар бораи Барномаи миллии пешгирии ҷинояткории ноболиғон барои солҳои 2020-2024» дар Вазорати корҳои дохилии Ҷумҳурии Тоҷикистон гурӯҳи корӣ оид ба пешгирии ҷинояткории ноболиғон таъсис дода шуд.
Дар ин бора хабарнигори АМИТ «Ховар» бо истинод ба маркази матбуоти Вазорати корҳои дохилии Ҷумҳурии Тоҷикистон иттилоъ медиҳад.
Гурӯҳи корӣ аз ҳисоби намояндагони вазоратҳои корҳои дохилӣ, адлия, молия, фарҳанг, маориф ва илм, тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, Прокуратураи генералӣ, суд, кумитаҳои кор бо ҷавонон ва варзиш, занон ва оила, телевизион ва радиои назди Ҳукумати Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон ва Ваколатдор оид ба ҳуқуқи инсон дар Ҷумҳурии Тоҷикистон таъсис дода шуд.
Сардори Раёсати огоҳонӣ ва пешгирии ҳуқуқвайронкунии ноболиғону ҷавонони Вазорати корҳои дохилии Ҷумҳурии Тоҷикистон, полковники милитсия Мансур Бухоризода дар мавзӯи «Пешниҳоди мутахассис баҳри амалӣ намудани «Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024» иброз дошт, ки дар асоси банди 1 таъсиси гурӯҳи кории байниидоравӣ ба уҳдаи ин вазорат вогузор карда шудааст.
Ҳадаф аз татбиқи талаботи барномаи мазкур ба меъёру стандартҳои байналмилалӣ мутобиқ намудани қонунгузорӣ ва фаъолияти амалии субъектҳои дахлдор дар самти пешгирии ҳуқуқвайронкунӣ миёни ноболиғон мебошад.
Ҳамчунин ин барнома равиши мусбати таъмини кумак, амният ва захираҳоро барои ноболиғон ҷиҳати пешгирии содиршавии ҳуқуқвайронкунӣ фаро мегирад.
Дар Тоҷикистон зиёда аз 26 тонна маҳсулоти гӯштии бесифат ва хавфнок нобуд карда шуд
Дар шаҳри Кӯлоб оид ба тарбияи ватандӯстӣ ва худшиносии миллӣ вохӯриҳо доир гардиданд
Дар шаҳри Кӯлоб оид ба пешгирии омилҳои хурофотӣ ва тафаккури ифротӣ вохӯрӣ доир шуд
Ҷаласаи 10-уми вазирони давлатҳои аъзои СҲИ оид ба коҳиши хатари офатҳои табиӣ доир шуд
Агар бо ҳолати фавқулода рӯ ба рӯ гардем, бояд ба куҷо муроҷиат намоем?
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
