Конференсияи байналмилалии илмӣ-амалӣ доир ба нақши ҳамкории шарикии стратегии Ҷумҳурии Тоҷикистон
ДУШАНБЕ, 02.11.2020 /АМИТ «Ховар»/. Ба ифтихори 30-солагии Истиқлоли давлатӣ дар Академияи идоракунии давлатии назди Президенти Ҷумҳурии Тоҷикистон доир ба нақши ҳамкории шарикии стратегии Ҷумҳурии Тоҷикистон ба таври онлайн Конференсияи байналмилалии илмӣ-амалӣ баргузор гардид.
Дар конференсияи мазкур олимону мутахассисони соҳа аз Маҷлиси намояндагони Маҷлиси Олии Ҷумҳурии Тоҷикистон, вазоратҳои корҳои хориҷӣ, маориф ва илм, рушди иқтисод ва савдо, фарҳанг, Кумитаи рушди сайёҳии назди Ҳукумати ҷумҳурӣ, Агентии хизмати давлатии назди Президенти Ҷумҳурии Тоҷикистон, Маркази тадқиқоти стратегии назди Президенти Ҷумҳурии Тоҷикистон, Академияи миллии илмҳои Тоҷикистон, сафоратҳои кишварҳои шарикони стратегии Тоҷикистон (Россия, Чин, Қазоқистон, Ӯзбекистон, Беларус ва Туркманистон), шарикони хориҷии Академия аз кишварҳои шарикони стратегӣ, олимону мутахассисони Академияи идоракунии давлатии назди Президенти Ҷумҳурии Тоҷикистон ва дигар муассисаҳои илмию таълимии дохилу хориҷи мамлакат иштирок ва суханронӣ намуданд.
Дар конференсия гуфта шуд, ки Ҷумҳурии Тоҷикистон дар сиёсати хориҷии худ асосан шаш давлат — Россия, Чин, Беларус, Қазоқистон, Ӯзбекистон ва Туркманистонро чун шарики стратегӣ қарор дода, бо аксари онҳо созишномаҳои шарикии стратегӣ ба имзо расонидааст.
Ҳамчунин дар ҷараёни конференсия маърӯзачиён якчанд масъалаҳо, аз ҷумла нақши ҳамкории шарики стратегӣ дар ташаккули робитаҳои дуҷониба, робитаҳои гуногунҷанбаи Ҷумҳурии Тоҷикистон бо давлатҳои шарикони стратегӣ, падидаи шарикии стратегӣ омили рушди ҳамкории иқтисодию иҷтимоӣ ва шахсияти Пешвои миллат муҳтарам Эмомалӣ Раҳмон ҳамчун кафили устувории шарики стратегӣ дар муносибатҳои байналмилалиро таҳлил ва баррасӣ намуданд.
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
