Котиби Шӯрои амнияти ФР Николай Патрушев: дар қаламрави ИДМ зиёда аз 40 нафар террористон дастгир шуданд

Ноябрь 19, 2020 11:06

ДУШАНБЕ, 19.11.2020 /АМИТ «Ховар»/. Соли равон дар Иттиҳоди Давлатҳои Мустақил (ИДМ) фаъолияти беш аз бист  ташкилоти хурди  созмонҳои байналмилалии  террористӣ, ки бо ҷалби ҷангиён машғул буданд, қатъ карда шудааст. Дар ин бора дирӯз котиби Шӯрои амнияти Федератсияи Россия Николай Патрушев (ДАР АКС) зимни мулоқот дар шакли конфронси видеоӣ бо ҳамтоёни худ аз дигар кишварҳои ИДМ эълом доштааст, хабар медиҳад АМИТ “Ховар” бо истинод ба ТАСС.

«Дар натиҷаи талошҳои муштарак соли 2020 22 ташкилоти хурди  созмонҳои байналмилалии террористӣ, ки аъзои онҳо ба ҷалбу интиқоли шаҳрвандони Россия ва дигар кишварҳои ИДМ ба пойгоҳҳои хориҷии омодасозии ҷангиён машғул буданд, пароканда карда шуданд», — гуфт Патрушев.

Вай илова кард, ки фаъолияти «беш аз 160 нафар фаъолони созмонҳои байналмилалии террористӣ» қатъ ва аз ҷумлаи онҳо зиёда 110 тан аз Россия ихроҷ ва беш аз 40 нафарашон маҳкум карда шудаанд. «Дар асоси маводи пешниҳоднамудаи ҷониби Россия, шарикони хориҷӣ беш аз 40 аъзо ва дастёрони ташкилоти байналмилалии террористиро дастгир ва ҳабс карданд. Дар асоси маълумоти дарёфтшуда, зиёда аз 950 шаҳрванди хориҷии дар фаъолиятҳои террористӣ дастдошта аз ҳуқуқи вуруд ба кишвари мо маҳрум карда шуданд», — изҳор намуд Патрушев.

Котиби Шӯрои амнияти Федератсияи Россия зикр кард, ки қисми зиёди  ҷиноятҳои дорои хусусияти экстремистӣ ва террористӣ бо истифода аз интернет содир мешаванд (зиёда аз нисфи 442 ҷинояти экстремистии дар шашмоҳаи аввали соли равон сабтшуда ва тақрибан панҷяки 1183 ҷинояти дорои хусусияти террористӣ). «Зиёда аз 2 ҳазор манбаҳои интернетӣ, бо шумули гурӯҳҳо дар шабакаҳои иҷтимоӣ таҳти назорат гирифта шудаанд. Зиёда аз 31 ҳазор саҳифаи интернетӣ баста ва тақрибан 3 ҳазор мавод, ки судҳо онҳоро экстремистӣ эълон ва интишорашонро манъ кардаанд, нобуд карда шуданд», — хабар дод ӯ.

Ёдовар мешавем, ки дар ин чорабинӣ ба ҷуз аз Патрушев, инчунин Котиби Шӯрои амнияти Тоҷикистон Насрулло Маҳмудзода, котибони шуроҳои амнияти Озарбойҷон, Арманистон, Қазоқистон, Қирғизистон, Ӯзбекистон, муовини Котиби Шӯрои амнияти Беларус, Котиби Шӯрои амнияти Давлатии Туркманистон ва Сафири Молдова дар Россия ширкат варзиданд.

АКС аз бойгонӣ

Ноябрь 19, 2020 11:06

Хабарҳои дигари ин бахш

Вазорати мудофиа: «Дар ҳамаи шаҳру ноҳияҳои Тоҷикистон чорабиниҳои пешаздаъватӣ доир карда мешаванд»
Фестивали ҷумҳуриявии афсарону сарбозон «Муҳофизони Ватан» баргузор мешавад
Намояндагони Тоҷикистон дар конфронси 10-уми минтақавии Ассотсиатсияи байналмилалии прокуророни генералӣ иштирок доранд
Соҳибкороне, ки худсарона нархи маҳсулоти хӯрокаро боло мебардоранд, ҷарима карда мешаванд
МАВСИМИ ОББОЗӢ ФАРО РАСИД. Волидайн фарзандони худро ҳангоми оббозӣ беназорат нагузоранд!
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад