Тақсимоти китоби «Тоҷикон»-и Бобоҷон Ғафуров ба ҳар оилаи мамлакат оғоз мегардад
ДУШАНБЕ, 17.11.2020. /АМИТ «Ховар»/. 16 ноябри соли 2020 дар назди Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо иштироки муовини Роҳбари Дастгоҳи иҷроияи Президенти Ҷумҳурии Тоҷикистон Саъдӣ Қодирзода ҷаласаи кории комиссия ҷиҳати марҳила ба марҳила тақсим кардани китоби «Тоҷикон»-и Бобоҷон Ғафуров баргузор гардид, хабар медиҳад АМИТ «Ховар».
Абдуҷаббор Раҳмонзода зикр намуд, ки тибқи супориши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров — китоби «Тоҷикон» аз ҳисоби Фонди захиравии Президенти Ҷумҳурии Тоҷикистон чоп гардида, то ҷашни 30-солагии Истиқлоли давлатӣ аз номи Роҳбари давлат ба ҳар оилаи мамлакат туҳфа карда шавад.
Интишори китоб бо пешгуфтори пурмуҳтавои Президенти Ҷумҳурии Тоҷикистон муҳтарам Эмомалӣ Раҳмон аз ҷониби ҶСП «Нашриёти муосир» бо сифати баланд, дар ҳаҷми 61 ҷузъи чопӣ оғоз шуд. То имрӯз аз ҷониби нашриёти мазкур китоби «Тоҷикон» бо теъдоди 15 ҳазор нусха ба нашр расидааст, ки дар Рӯзи Президенти Ҷумҳурии Тоҷикистон туҳфаи арзандаест.
Ёрдамчии Президенти мамлакат тазаккур дод, ки тақсимоти он аз ноҳияҳои Мурғоб ва Ванҷи Вилояти Мухтори Кӯҳистони Бадахшон шурӯъ мешавад. Дар рӯзҳои наздик ба ин ноҳияҳои дурдасти мамлакат корвони мошинҳо бо туҳфаи бебаҳои Роҳбари давлат раҳсипор хоҳад гардид.
Раисикунанда аз аъзои комиссия талаб намуд, ки туҳфаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар умум бо теъдоди 1 600 000 нусха ба табъ хоҳад расид, бо тартиби муқарраргардида бояд ба ҳар як оилаи ҷумҳурӣ дастрас карда шавад.
Абдуҷаббор Раҳмонзода бо боварӣ изҳор намуд, ки ҳар фарди худогоҳи мамлакат аз туҳфаи Роҳбари давлат ғизои маънавӣ гирифта, дониши худро дар шинохти таърихи миллати хеш боз ҳам амиқтар хоҳад намуд.
АКСҲО аз АМИТ «Ховар»
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
«ТОҶИКИСТОН-ВАТАНИ АЗИЗИ МАН». Дар шаҳри Гулистон даври шаҳрии озмуни ҷумҳуриявӣ баргузор гардид
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
«ИЛМ-ФУРӮҒИ МАЪРИФАТ». Баҳри омодагӣ ба озмун дар Душанбе ҳамоиш доир гардид
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
«ИЛМ-ФУРӮҒИ МАЪРИФАТ». Дар муассисаҳои таълимии Файзобод ва Нуробод машварати омӯзишӣ гузаронида шуд
«ИЛМ-ФУРӮҒИ МАЪРИФАТ». Донишу маърифат ба аҳли башар бузургӣ ва хушбахтӣ меоранд
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
