ҚУТБНАМОИ ОЯНДАИ ДУРАХШОН. Бахшида ба Рӯзи Конститутсия дар Вазорати маориф ва илми Ҷумҳурии Тоҷикистон ҳамоиш баргузор гардид
ДУШАНБЕ, 06.11.2020 /АМИТ «Ховар»/. Дирӯз бахшида ба 26-солагии Рӯзи Конститутсия дар Вазорати маориф ва илми Ҷумҳурии Тоҷикистон бо иштироки вазир Муҳаммадюсуф Имомзода, муовини якум ва муовинони вазир, сардорони раёсату шуъба ва роҳбарони муассисаҳои тобеи вазорат ҳамоиш баргузор гардид. Дар ин бора ба АМИТ «Ховар» аз Вазорати маориф ва илми Ҷумҳурии Тоҷикистон хабар доданд.
Дар оғоз вазири маориф ва илм М. Имомзода суханронӣ намуда, иброз дошт, ки Конститутсия на танҳо як санади ҳуқуқию сиёсист, балки ҳуҷҷатест, ки дар он орзую ормонҳои миллати тоҷик инъикос ёфтааст. Яке аз омилҳои ба миён омадани зарурати қабули Конститутсияи нав дар солҳои аввали соҳибистиқлолӣ ба шакли ҳокимияти миллӣ гузаштани Ҷумҳурии Тоҷикистон мебошад. Қабули Конститутсияи навин 6 ноябри соли 1994 барои бунёди мамлакати ободу пешрафта, таъмини амнияту осоиш, сулҳу озодӣ ва инкишофу пешрафти ояндаи кишвари тозаистиқлол замина гузошт. Дар ин санади муҳимми тақдирсоз арзишу манфиатҳои миллӣ, муносибот ва фаъолиятҳо ба танзим ва ҳадду марзи асосии ҳуқуқию қонунӣ барои шаҳрвандони мамлакат мушаххас гардидааст.
Сипас, сармутахассиси шуъбаи таъминоти ҳуқуқӣ ва котибот, номзади илмҳои ҳуқуқшиносӣ Манучеҳр Сулаймонзода перомуни марҳалаҳои қабул гардидани Конститутсия сухан ронда, аз ҷумла, зикр кард, ки вобаста ба рушду инкишофи ҷомеа дар Конститутсияи ҷумҳурӣ тағйиру иловаҳо ворид гардид, ки барои боз ҳам фароҳам овардани зиндагии шоистаи мардум мусоидат кард ва ҳамчун қутбнамои ояндаи дурахшони кишвар хидмат мекунад.
Дар охир муовини якуми вазир М. Саломиён таъкид кард, ки Конститутсия ҳуқуқу озодиҳои шаҳрвандонро таъмин намуда, дар рушду пешрафти давлатдории навини тоҷикон нақши муҳим дорад.
АКСҲО аз Вазорати маориф ва илми Ҷумҳурии Тоҷикистон
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
