Ваксинаи сурхча-гулафшон ба ваксинаи сурхча-баногӯшак- гулафшон иваз карда мешавад

Ноябрь 24, 2020 11:10

ДУШАНБЕ, 24.11.2020 /АМИТ «Ховар»/. 23 ноябр  дар Муассисаи давлатии «Маркази ҷумҳуриявии иммунопрофилактика»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
ҷиҳати ворид намудани тағйиру иловаҳо ба тақвими миллии иммунизатсияи Ҷумҳурии Тоҷикистон  бо мақсади иваз намудани ваксинаи сурхча-гулафшон ба ваксинаи сурхча-баногӯшак гулафшон  ҳамоиш доир гардид. Дар ҷамъомади мазкур муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Самариддин Ализода, намояндагони сафорати Япония дар Тоҷикистон ва намояндагони Созмони умумиҷаҳонии тандурустӣ дар Тоҷикистон иштирок намуданд.

Муовини Вазири тандурустӣ ва ҳифзи иҷтимоии аҳолии мамлакат Самариддин Ализода иброз дошт, ки мақсади асосии  ҳамоиши имрӯза-ин баланд бардоштани иқтидори иттилоотонии воситаҳои  ахбори омма вобаста ба масъалаҳои иммунизатсия, пурзӯр намудани тарғибу ташвиқ дар байни аҳолӣ оид ба моҳияти иммунизатсия дар самти нигоҳдории солимии аҳолӣ ва пешниҳод намудани маълумот дар бораи иваз намудани ваксинаи сурхча-гулафшон ба ваксинаи сурхча-баногӯшак-гулафшон дар Ҷумҳурии Тоҷикистон мебошад.

Гуфта шуд, ки дар ҷумҳурӣ Кодекси тандурустии Ҷумҳурии Тоҷикистон ва қарори Ҳукумати Ҷумҳурии Тоҷикистон «Дар бораи Барномаи миллии иммунопрофилактика дар Ҷумҳурии Тоҷикистон барои солҳои 2016-2020» қабул гардидаанд, ки онҳо ба такмили системаи иммунопрофилактика дар қаламрави ҷумҳурӣ ва беҳтар намудани саломатии кӯдакон равона шудаанд.

Ҷумҳурии Тоҷикистон аз соли 1991 Конвенсияи ҳуқуқҳои кӯдакро имзо намуд ва аз соли 1993 оид ба ҳифзи саломатии кӯдакон уҳдадорӣ гирифт. Ҳамзамон Ҷумҳурии Тоҷикистон узви баробарҳуқуқи  Созмони умумиҷаҳонии тандурустӣ гардида, бо дастгирии ташкилотҳои байналхалқӣ, ба монанди Созмони умумиҷаҳонии тандурустӣ, Хазинаи кӯдакони Созмони Милали Муттаҳид (ЮНИСЕФ), Агентии рушди байналмилалии Иёлоти Муттаҳидаи Амрико ва дигар донорҳо ба татбиқи нақшаю стратегияҳо оид ба пасткунӣ ва ё маҳв намудани бемориҳои  сироятии ба воситаи иммунизатсия идорашаванда  оғоз намуд.

Новобаста аз он ки дар мубориза ва пешгирии бемориҳои сироятӣ пешравиҳои назаррас ба назар мерасанд, вале бояд ташкил ва гузарондани чорабиниҳои профилактикӣ мунтазам, сифатнок ва бо истифода аз пешравиҳои ҳозиразамони соҳа амалӣ гардонида шаванд. Зеро то ҳол хатари хуруҷи бемориҳои сироятӣ пурра аз байн нарафта, бо назардошти мавҷудияти ин хатар зарурати мунтазами роҳбарӣ, таъмини устувории молиявӣ барои харидории ваксинаҳо ва маводи иммунизатсионӣ, ташкили назорати босифати эпидемиологӣ аз рӯи бемориҳои таҳти назоратбуда, бурдани ташвиқу тарғиб дар байни аҳолӣ оид ба моҳияти иммунизатсия зарур мебошад.

Ноябрь 24, 2020 11:10

Хабарҳои дигари ин бахш

Хадамоти иҷро дар арафаи Соли нави мелодӣ ба пиронсолону маъюбон кумак расонид
Ҳавои ду рӯзи охири соли 2021 дар Тоҷикистон чӣ гуна мешавад?
Дар Душанбе доир ба амнияти иҷтимоӣ ҳамчун омили муҳими рушди устувор конфронси илмиву амалӣ доир гардид
Тарбиятгирандагони Мактаб-интернати ҷумҳуриявии низомаш махсуси шаҳри Ҳисор дар вазъияти тантанавӣ соҳиби туҳфаҳои Пешвои миллат шуданд
Ба сарбозони қисмҳои ҳарбӣ, хизматчиён ва нафақагирони КҲФ ва МГ аз номи Сарвари давлат туҳфаҳои солинавӣ тақдим шуданд
Дар Раёсати Вазорати корҳои дохилӣ дар шаҳри Душанбе ярмарка-фурӯши маҳсулоти мавриди ниёзи аввал ташкил гардид
Ба иштирокчиёни ҷанг ва собиқадорони меҳнати ноҳияи Шаҳринав туҳфаҳо ва маводи хӯрокворӣ тақдим шуданд
Кумакҳои Пешвои миллат ба Мактаб-интернати ҷумҳуриявии кӯдакони ятим дар шаҳри Кӯлоб расонида шуданд
Аз номи Пешвои миллат ба хонандагони Мактаб-интернати ҷумҳуриявии сустшунавоёни ноҳияи Рӯдакӣ туҳфаҳои идона тақдим шуданд
Баландтарин афзоиши аҳолӣ пас аз пошхӯрии СССР дар Тоҷикистон ба қайд гирифта шуд
ОГОҲИИ АГЕНТИИ ОБУҲАВОШИНОСӢ. 28-29 декабр дар минтақаҳои алоҳидаи кӯҳии Тоҷикистон эҳтимоли фаромадани тарма дар назар аст
Бинои асосии Беморхонаи клиникавии шаҳрии ҷарроҳию табобатии №1-и Хуҷанд навсозӣ мегардад