Дар ҷаҳон дар як рӯз беш аз 535 ҳазор ҳолати сироятёбӣ аз коронавирус сабт шудааст — СУТ

ДУШАНБЕ, 07.12.2020 /АМИТ «Ховар»/. Шумораи рӯйдодҳои тасдиқшудаи сироятёбӣ аз коронавируси нав дар ҷаҳон аз 67,39 миллион нафар гузашт ва дар як шабонарӯз беш аз 535 ҳазор афзуд. Омори мазкурро имрӯз, 7 декабр Созмони умумиҷаҳонии тандурустӣ (СУТ) нашр кардааст, хабар медиҳад АМИТ «Ховар».

То соати 10:00 (бо вақти Душанбе) -и 7 декабр, ба СУТ дар бораи 67 392 712 сироятёфта ва 1 541 745 фавтида маълумот ворид шудааст. Шумораи сироятёфтагон дар як шабонарӯз 535.018 нафар ва фавтҳо — 7537 нафар зиёд шудааст.

Аз ҳама бештар ҳолатҳои тасдиқшудаи сироятёбӣ дар ИМА сабт шудаанд — 15 159 529. Пас аз он — Ҳиндустон (9 677 203), Бразилия (6 603 540), Россия (2460 770), Франсия (2292 497), Италия (1728 878), Британияи Кабир (1.723.242), Испания (1.699.145), Аргентина (1.463.110), Колумбия (1.371.103), Германия (1.184.845) ва Мексика (1.175.850) ҷойгиранд.

                                                                  АКС аз бойгонӣ