Имсол дар МОИ «Данғара» ба маблағи 21585,3 ҳазор сомонӣ маҳсулоти саноатӣ истеҳсол гардидааст

ДУШАНБЕ, 01.12.2020 /АМИТ «Ховар»/. Тӯли 9 моҳи соли равон дар корхонаҳои саноатии Минтақаи озоди иқтисодии «Данғара»  ба маблағи 21585, 3 ҳазор сомонӣ маҳсулоти саноатӣ истеҳсол гардидааст.

Тибқи маълумоти Агентии омори назди Президенти Ҷумҳурии Тоҷикистон аз маблағи 21585,3 ҳазор сомонӣ маҳсулоти тавлидгардида 6829 ҳазор сомонӣ ба корхонаи «Тоҷпласт-1», 516 ҳазор сомонӣ ба корхонаи «Грин голд», 121,7 ҳазор сомонӣ ба субъекти «Миср-2001», 1266 ҳазор сомонӣ ба корхонаи «Детйен Бетон», 11 400 ҳазор сомонӣ ба субъекти «Ауфен» 1076,7 ҳазор сомонӣ ба ширкати «Ғаюр саноат», 145 ҳазор сомонӣ ба  ширкати «Тоҷи Осиё», 194,9 ҳазор сомонӣ ба ширкати «Сохтмон»  ва 36 ҳазор сомонӣ ба ҶДММ «Оро» рост меояд.

Минтақаи озоди  иқтисодии «Данғара», ки дар ҷануби Тоҷикистон, дар вилояти Хатлон воқеъ аст, дар масоҳати 521,3 гектар доман густурдааст. Имсол дар МОИ «Данғара» 9 корхонаи саноатӣ фаъолият намуда истодаанд. Ҳазамон моҳҳои январ-сентябри соли равон дар МОИ «Данғара» ба маблағи 17080, 3 ҳазор сомонӣ корҳои сохтмонӣ аз ҳисоби ҶММ «ТК ОЙЛ» иҷро гардидаанд.

ДАР АКС: Корхонаи коркарди нафт дар МОИ «Данғара». Акс аз сомонаи МОИ «Данғара»