Ғолибони Озмуни ҷумҳуриявии «Китоби сол-2020» муайян шуданд

Декабрь 31, 2020 15:36

ДУШАНБЕ, 31.12.2020/АМИТ «Ховар»/. Имрӯз дар Вазорати фарҳанги Ҷумҳурии Тоҷикистон Озмуни ҷумҳуриявии «Китоби сол-2020» аз рӯйи се бахш ҷамъбаст  гардида, ғолибон бо Диплом ва маблағҳои пулӣ, ки аз 10 то 20 ҳазор сомонӣ муқаррар гардида буд, қадрдонӣ шуданд.

Тавре аз Вазорати мазкур ба АМИТ «Ховар» хабар доданд, дар бахши назм ҷойи аввалро «Таронаборон»-и Сафар Аюбзода Маҳзун, зинаи  дуввум ба китоби «Баҳор овардан осон нест» ва «Пайғом»-и Бузургмеҳри Баҳодур ва Сафар Амирхон, мақоми сеюм ба китоби «Таронаҳои ватандорӣ»-и Шаҳрия Аҳтамзод дода шуд.

«Дар  бахши наср ҷой аввалро «Подош» -и (маҷмӯаи ҳикояҳо) Сироҷиддин Икромӣ, мақоми  дуввумро «Ман хабаркаши модарам»-и  Неъматулло Худойбахш ва ҷойи сеюмро   «Бе ситора нестам»-и   Зулфия Атоӣ  соҳиб гардиданд. Дар бахши асарҳои публисистӣ ҷойи аввал ба «НБО-и «Роғун»-кафолати рушди устувори минтақа»-и Ҳасан Асоев, ҷойи дуввум ба «Сабрин   Гули  худрӯи»-и Бартан ва ҷойи сеюм ба «Ҷаҳони маънавии Чингиз Айтматов»-и  Абдуғаффор Абдуҷаббор дода шуданд.  Дар бахши  асарҳои назми бачагона ҷойи аввалро «Бо ҳам мо -Тоҷикистон»-и Гулназар Келдӣ, ҷойи дуввумро  «Чашмасор»-и Муродалӣ Собир соҳиб  шуданд. Дар бахши  асарҳои насри бачагона ҷойи аввал ба «Шоҳпарак ва рангинкамон»-и Маҷид Салим, ҷойи дуввум ба «Яке буд, яке набуд»-и      Гулчеҳра Муҳаммадиева ва ҷойи сеюро ба «Шодии талх»-и Сайидо Шарафӣ сазовор донистанд», -афзуд манбаъ.

Ҳадаф аз баргузории Озмуни ҷумҳуриявии «Китоби сол-2020» сазовор  пешвоз гирифтани  30-юмин солгарди Истиқлолияти  давлатии Ҷумҳурии Тоҷикистон буда, ҳамзамон  дарёфти беҳтарин асарҳои бадеӣ ва илмӣ-тадқиқотии муосири тоҷик, ки ҷавобгӯи меъёрҳои санъати сухан ва забони адабӣ буда, мазмуну муҳтавои онҳо мавзӯъҳои худшиносии миллӣ, арҷгузорӣ ба рукнҳои давлатдорӣ, таҳкими сулҳу субот ва амният, садоқат ба Ватан бахшида шудаанд,  мебошад.

Тавре сардори Раёсати табъу нашр ва матбуоти Вазорати фарҳанги Ҷумҳурии Тоҷикистон Раҳмоналӣ Мирализода ба хабарнигори АМИТ «Ховар» иброз дошт,  эълони Озмуни ҷумҳуриявии «Китоби сол-2020» дар рӯзномаи «Адабиёт ва санъат»  чоп шуда буд. Ба озмун аз тарафи муаллифон 39 унвон китобҳои тозанашри бадеии назму наср, публисистӣ ва назму насри бачагона пешниҳод гардид.

Ёдовар мешавем, ки дар ҳайати ҳакамони озмуни мазкур – раиси Иттифоқи нависандагони Тоҷикистон – раис Низом Қосим, муовини Вазири фарҳанги Ҷумҳурии Тоҷикистон – муовини раис Қурбоналӣ Абдураҳимзода ва  шоирону нависандагони маъруфи тоҷик  шомил гардида буданд.

Декабрь 31, 2020 15:36

Хабарҳои дигари ин бахш

«ДУШАНБЕ-ГАНҶЕ ДАР ҚАЛБИ ОСИЁ». Таҳти чунин унвон барои эҷодкорон озмуни ҷумҳуриявӣ доир мегардад
Маркази миллии тестии назди Президенти Ҷумҳурии Тоҷикистон курсҳои омӯзишӣ мегузаронад
Камолиддин Худоймерганов ва Нозанин Ҷамшедзода Шоҳҷоизаи Фестивал-озмуни байналмилалии «Роза Востока»-ро соҳиб шуданд
Ба китобхонаи қисми низомии Раёсати қӯшунҳои дохилии Вазорати корҳои дохилӣ китобҳои Пешвои миллат тақдим гардиданд
МИРЗИЁЕВ ДАР БОРАИ РУШД ВА ОММАВИГАРДОНИИ ШОҲМОТ ҚАРОР ИМЗО КАРД. Ин санад дар робита ба қатъномаи махсуси Маҷмаи Умумии СММ, ки бо пешниҳоди Тоҷикистон, Ӯзбекистон ва якчанд кишвари дигар қабул гардида буд, ба тасвиб расидааст
ЯК РӮЗИ ТАЪРИХ. 262 сол муқаддам Осорхонаи Британия ифтитоҳ шуда буд. Дар он дастхатҳои пурарзиш, бозёфтҳои бостоншиносӣ ва дигар нигораҳои миллии Тоҷикистон маҳфуз мебошанд
ШУМО МУТОЛИАРО ДӮСТ МЕДОРЕД? Марҳамат ба маҳфили доимии «Шоме дар китобхона…»
Ба сокинони ноҳияи Ишкошим 3952 нусха китоби «Тоҷикон» тақдим гардид
Донишманди тоҷиктабор Абдуқодир Тошқулов Вазири таҳсилоти олӣ ва миёнаи махсуси Ӯзбекистон таъин шуд
Бо иштироки Абдуҷаббор Раҳмонзода ҷаласаи ситоди корӣ оид ба таҷлили 30-солагии Истиқлоли давлатӣ баргузор шуд
«Теъдоди неругоҳҳои офтобию шамолиро зиёд бояд кард», «Шакаристони ёдҳо»,- шарҳи матбуоти даврии Тоҷикистон
ШОҲУҚОБ — ПАРАНДАИ СОЛИ 2021. Он аз замонҳои қадим рамзи нерумандӣ ва пойдории давлат маҳсуб мешудааст