Шудгоркунию яхобмонӣ дар хоҷагиҳои кишоварзии Суғд вусъати тоза мегиранд
ХУҶАНД, 14.12.2020. /АМИТ «Ховар»/. Дар вилояти Суғд аз майдони умумии 210 525 гектар дар 74 973 гектар шудгор гузаронида шудааст, ки он ба 35,6 фоизи иҷрои дурнамо баробар аст. Аз ҷумла, шудгор дар ноҳияҳои Бобоҷон Ғафуров, Деваштич, Зафаробод, Истаравшан, Мастчоҳ, Панҷакент, Спитамен, Шаҳристон ва Ҷ.Расулов хубтар ба роҳ монда шудааст.
Дар ин бора муовини сардори Сарраёсати кишоварзии вилояти Суғд Рустам Ҷалолов ба хабарнигори АМИТ «Ховар» иттилоъ дод.
Имрӯзҳо дар хоҷагиҳои кишоварзӣ ва деҳқонии вилояти Суғд ҷараёни корҳои агротехникии саҳроӣ, чун шудгоркунӣ ва яхобмониву шӯршӯӣ ва ба ин восита омодакунии заминҳои кишоварзӣ ба мавсими баҳор бо маром идома доранд.
Ҳамзамон баҳри сари вақт ба иҷро расонидани корҳои агротехникии саҳроӣ 393 адад тракторҳои шудгоркунанда ҷалб гардидаанд.
Дар мавсими зимистони имсола тибқи нақша бояд дар майдони 14000 гектар корҳои яхобмонӣ ва дар 1000 гектар шӯршӯӣ гузаронида шаванд.
То ин муддат корҳои яхобмонӣ дар майдони беш аз 3000 гектар ва шӯршӯӣ дар бештар аз 200 га ба иҷро расонида шуда, вусъати корҳо дар ин самт дар ноҳияҳои Бобоҷон Ғафуров, Конибодом, Спитамен ва Ҷаббор Расулов бештар ба назар мерасад.
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
