СУТ оид ба штамми нави коронавирус ҷаласаи таъҷилӣ доир мекунад
ДУШАНБЕ, 23.12.2020 /АМИТ «Ховар»/. Созмони умумиҷаҳонии тандурустӣ (СУТ) ният дорад, ки барои баррасии мутатсияи нави коронавирус ҷаласаи таъҷилӣ даъват кунад. Тавре АМИТ «Ховар» хабар медиҳад, директори минтақавии СУТ дар Аврупо Ҳанс Клюге дар ин бора 22 декабр дар саҳифаи худ дар Твиттер навиштааст.
Ба гуфтаи намояндаи СУТ, замони баргузории ҷаласа ҳанӯз муайян нашудааст. Ҳанс Клюге инчунин зикр кардааст, ки ҳоло дарёфти маълумоти бештар дар бораи вируси нав ва тавассути маҳдудияти нав пешгирии паҳншавии он муҳим аст.
Дар ҳоле, ки навъи нав ва зоҳиран сирояткунандатари коронавирус боиси нигаронии ҷиддии ҳукуматҳои тамоми ҷаҳон шудааст, СУТ даъват мекунад, ки ба таҳлука наафтанд. «Ҳатто агар суръати паҳншавии вирус каме зиёдтар бошад ҳам, онро ҳоло ҳам боздоштан мумкин аст», — гуфт Майкл Райан, ҳамоҳангсози СУТ оид ба расонидани кумаки фавқулода.
Майкл Райан гуфт, ҳеҷ далеле вуҷуд надорад, ки штамми нав раванди бемориро вазнинтар кунад. Вай инчунин гуфт, ки муқовимати штамми нав дар муқобили ваксинаҳои коркардшаванда ҳоло дар чандин озмоишгоҳҳо санҷида мешавад. СУТ бар ин назар аст, ки стратегияи мубориза бо штамми нав бетағйир боқӣ хоҳад монд, он ягон тағйирот талаб намекунад.
Пештар хабар дода шуда буд, ки штамми нави коронавирусе, ки рӯзҳои охир дар ҷануби Британия сабт шудааст, сабаби хуруҷи бемориҳо гардидааст, Сарвазири Бритониё Борис Ҷонсон изҳор доштааст, ки мутатсияи нави коронавирус нисбат ба навъи қаблан маълум то 70% бештар сирояткунандатар аст. Бо ҳамин сабаб дар Лондон ва ҷанубу шарқи Англия аз 20 декабр маҳдудияти шадидтар ҷорӣ карда шудаанд. Як қатор кишварҳо эълон намуданд, ки иртиботи ҳавоиро бо Британия муваққатан қатъ мекунанд.
Мутатсияи нави коронавирус ба ғайр аз Британия аллакай дар Австралия, Исландия, Италия, Ҳолланд, Дания ошкор шудааст.
АКС: аз бойгонӣ ва Twitter (cкриншот)
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
