Татбиқи лоиҳаи «Рушди устувори истеҳсоли абрешим ва матои атлас дар Тоҷикистон ва Ӯзбекистон» оғоз гардид
ДУШАНБЕ,11.12.2020/АМИТ «Ховар»/. Татбиқи лоиҳаи «Рушди устувори истеҳсоли абрешим ва матои атлас дар Тоҷикистон ва Ӯзбекистон» оғоз гардид. Лоиҳаи мазкур муддати се сол амалӣ шуда, паҳлӯҳои васеи имконияти беҳтар намудани занҷираи аслии истеҳсоли атласро дар бар гирифта, ҳадаф аз татбиқи он мусоидат ба рушди устувор, пешрафти коркарди ашёи хоми маҳаллӣ то маҳсулоти ниҳоӣ ва таъмини шуғли аҳолӣ мебошад. Дар ин хусус Вазорати саноат ва технологияҳои нави Ҷумҳурии Тоҷикистон ба АМИТ «Ховар» иттилоъ медиҳад.
«Ин лоиҳа дар доираи барномаи «SWITCH-Asia», ки аз ҷониби Иттиҳоди Аврупо маблағгузорӣ мешавад, амалӣ мегардад. Дар доираи лоиҳаи «Рушди устувори истеҳсоли абрешим ва матои атлас дар Тоҷикистон ва Ӯзбекистон» гузаронидани тадқиқот оид ба талабот ба матои атлас, барқарор намудани истеҳсолоти абрешим ва матои атлас, доир намудани омӯзишу машғулиятҳои таълимӣ, намоишҳо ва чорабиниҳои минтақавӣ бо иштироки истеҳсолкунандагони абрешим ва матои атлас дар назар дошта шудааст»,-афзуд манбаъ.
Тибқи иттилои манбаъ, алҳол дар Тоҷикистон корхонаҳои коркарди пилла «ВТ-Силк» ва «Дук» фаъолият доранд, ки ресмон ва матои абрешими надофӣ истеҳсол менамоянд. Ҳамзамон корхонаи «Атласи Хуҷанд» ягона корхона дар самти истеҳсоли матои атлас дар ҷумҳурӣ маҳсуб меёбад, ки истеҳсоли беш аз 60 намуди матои атлас ва 30 намуди матои адрасро ба роҳ мондааст.
Оғози татбиқи лоиҳаи «Рушди устувори истеҳсоли абрешим ва матои атлас дар Тоҷикистон ва Ӯзбекистон» дар ҳолест, ки Ҳукумати Ҷумҳурии Тоҷикистон «Барномаи рушди соҳаҳои кирмакпарварӣ ва коркарди пилла дар Ҷумҳурии Тоҷикистон барои солҳои 2020-2024»-ро қабул намудааст. Фароҳам овардани замина барои ҳарчи бештар коркарди ашёи хоми маҳаллӣ, таъмини шуғли аҳолӣ, таҳияи омилҳои ҳавасмандгардонӣ барои ҷалби сармоягузориҳо дар самти рушди соҳаҳои кирмакпарварӣ, коркарди пилла ва истеҳсоли матои абрешимӣ, аз ҷумла атлас аз ҳадафҳои аслии барнома мебошад.
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
