Воҳидҳои зиддитеррористии Ироқ соли равон 206 ҷангҷӯи ДИ-ро маҳв намуданд
![](https://khovar.tj/wp-content/uploads/2016/07/Irok.jpg)
ДУШАНБЕ, 21.12.2020 /АМИТ «Ховар»/. Воҳидҳои зиддитеррористии Ироқ 19.12.2020 изҳор намуданд, ки аз оғози соли равон маҷмӯан 206 ҷангҷӯи гурӯҳи тундрави «Давлати исломӣ» (ДИ) -ро маҳв ва 292 нафари онҳоро боздошт кардаанд, хабар медиҳад АМИТ «Ховар» бо истинод ба «Синхуа».
Дар изҳорот омадааст, ки воҳидҳои зиддитеррористии Ироқ бо мақсади таъмини амният ва субот дар кишвар таъқиб ва маҳви паноҳгоҳҳои ҷангиёни ДИ, инчунин интишори ғояҳои экстремистӣ аз тариқи Интернет ва бедор намудани ҳисси нафрат нисбат ба онҳо муборизаро бо идома медиҳанд.
Ёдовар мешавем, ки моҳи декабри соли 2017 Ироқ пирӯзии таърихиашро бар ДИИШ-ро эълон кард. Бо вуҷуди ин, дар кишвар боқимондаҳои гурӯҳҳои ифротгаро амал мекунанд ва гоҳ — гоҳ ҷангиён ҳамлаҳо анҷом медиҳанд.