Вохӯрии муовинони вазирони корҳои хориҷии кишварҳои Осиёи Миёна, Чин ва Афғонистон дар шакли видеоконфронс баргузор гардид
ДУШАНБЕ, 09.12.2020 /АМИТ «Ховар»/. 9 декабри бо ташаббуси Ҷумҳурии Мардумии Чин мулоқоти муовинони вазирони корҳои хориҷии кишварҳои Осиёи Марказӣ, Чин ва Афғонистон дар мавзӯи «Тиҷорат ва иртиботот байни Чин, Афғонистон ва кишварҳои Осиёи Марказӣ» дар шакли видеоконфронс баргузор гардид. Ҷониби Тоҷикистонро муовини Вазири корҳои хориҷӣ Музаффар Ҳусейнзода намояндагӣ намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни нишаст ҷонибҳо оид ба ҳамкорӣ дар самти мубориза бо ҳамагирии Ковид-19 дар соҳаҳои тиҷоративу иқтисодӣ, нақлиётӣ ва амният мубодилаи афкор карданд.
Муовини Вазири корҳои хориҷии Тоҷикистон Музаффар Ҳусейнзода дар суханронии худ зикр кард, ки ҳамкорӣ байни Осиёи Марказӣ, Чин ва Афғонистон аҳамияти хосса дорад ва дар рушду таҳкими робитаҳо байни кишварҳои минтақа нақши муҳим мебозад.
Бо ишора ба вазъи зудтағйирёбандаи ҷаҳонӣ бар асари паҳншавии Ковид-19 муовини Вазири корҳои хориҷии кишвари мо аз ҳамтоёни худ даъват кард, ки барои пешгирии баъдии сирояти коронавирус ва барқарор кардани рушди устувори иҷтимоию иқтисодии кишварҳои минтақа тадбирҳои муассир андешида шаванд.
Зикр гардид, ки ҳамагирии Ковид-19 башариятро бо таҳдид ва чолишҳои ҷиддӣ рӯбарӯ кардааст. Ба ин муносибат, ӯ аз кишварҳои иштироккунанда даъват ба амал овард, то дар мубориза бо пайомадҳои ҳамагирӣ бо истифода аз захираву имконияти мавҷуда муттаҳид шаванд.
М.Ҳусейнзода бо назар бар аҳамияти рушди ҳамкории тиҷоратию иқтисодӣ пешбурди лоиҳаҳои бахши энергетика, нақлиёт, саноат ва кишоварзиро таъкид намуда, афзун гардонидани иқтидори содирот ва интиқоли бетаваққуфи борро муҳим хонд.
Ӯ зикр кард, ки ҳамкории кишварҳои минтақа дар соҳаи амният барои сулҳи босубот ва устувор дар Афғонистон аҳамияти хосса дорад.
Ҷонибҳо ба мувофиқа расиданд, ки бар пояи ҳусни ҳамҷаворӣ дар таъмини сулҳу субот ва шукуфоӣ дар минтақа тавассути таҳкими ҳамкорӣ дар соҳаи тиҷорат ва иртиботот саҳм гузоранд.
АКС аз ВКХ ҶТ
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
