ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар ноҳияи Айнӣ Нишони давлатӣ бо баландии 22 метр ва Парчами давлатии 50-метра бунёд мегарданд
ДУШАНБЕ, 6.01.2021 /АМИТ «Ховар»/. Ба истиқболи ҷашни 30-солагии Истиқлоли давлатии Ҷумҳурии Тоҷикистон дар ноҳияи Айнӣ сохтмони Нишони давлатӣ бо баландии 22 метр, Парчами давлатӣ бо баландии 50 метр ва дар Ҷамоати деҳоти Анзоб бинои мактаб-интернати сеошёна барои 220 нафар тарбиятгирандагон ҷараён дорад.
Тавре аз мақомоти иҷроияи ҳокимияти давлатии ноҳияи Айнӣ ба хабарнигори АМИТ «Ховар» иттилоъ доданд, майдони Нишон ва Парчам дар маркази ноҳия бунёд гардида, атрофи он бо тарҳи хосса ороиш ёфта, дар он барои истироҳату фароғати сокинон шароити зарурӣ фароҳам оварда мешавад.
Дар бинои навсохти мактаб-интернат дар Ҷамоати деҳоти Анзоб тамоми шароити мусоид фароҳам оварда шуда, дар баробари синфхонаҳои таълимӣ ҳамзамон коргоҳҳои дӯзандагиву дуредгарӣ ва синфхонаи компютерӣ ташкил шудаанд.
Инчунин дар Ҷамоати деҳоти Анзоб бинои муассисаи таҳсилоти миёнаи умумии рақами 22, ки ба таъмир ниёз дорад, навсозӣ гардида, барои хонандагон толори варзишӣ бунёд мегардад.
Дар ин муассисаи таълимӣ айни замон 292 нафар ба таҳсил фаро гирифта шуда, 26 нафар омӯзгорон ба хонандагон дарс мегӯянд.
Ёдовар мешавем, ки то ҷашни таърихии 30-солагии Истиқлоли давлатӣ дар ноҳияи Айнӣ бунёду баистифодадиҳии 499 иншооти гуногун ба нақша гирифта шуда, то имрӯз 414 иншоот мавриди истифода қарор гирифтаанд. Дар иншооти боқимонда корҳои сохтмонӣ идома дошта, то ҷашни Истиқлоли давлатӣ боз даҳҳо биноҳои иҷтимоӣ ифтитоҳ мешаванд.
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
