Ҳавои номусоид ба тақвими бозиҳои марҳилаи муқаддамотии Ҷоми ФФТ-2021 дар минтақаи Душанбе тағйирот ворид намуд
ДУШАНБЕ, 23.01.2021 /АМИТ «Ховар»/. Лигаи футболи Тоҷикистон вобаста ба барфрезии рӯзҳои охир дар тақвими бозиҳои марҳилаи муқаддамотии Ҷоми ФФТ-2021 дар минтақаи Душанбе тағйирот ворид намуд. Ба ин тартиб бозиҳои марҳилаи мазкур дар минтақаи Душанбе аз рӯзи душанбеи 25 январ шурӯъ хоҳанд шуд. Дар ин бора АМИТ «Ховар» бо истинод ба ТВ «Варзиш» хабар медиҳад.
Дар минтақаи Душанбе, ки чор дастаи Лигаи олӣ ва панҷ намояндаи дивизиони якум ширкат меварзанд, дастаҳо ба ду гурӯҳ тақсим карда шуданд. Ба гурӯҳи “А” дастаҳои “Локомотив-Помир”, “Регар-ТадАЗ”, “Кӯктош”, КМВА ва “Шоҳмансур” шомиланд. Гурӯҳи “В” аз дастаҳои “Душанбе-83”, “Ваҳдат”, “Истиқлол” ва “Барқчӣ” иборат аст.
Дар минтақаи Душанбе бозиҳои гурӯҳӣ аз рӯи низоми даврӣ дар як қисм баргузор мешаванд. Аз рӯи натиҷаҳои даври гурӯҳӣ, ду дастаи беҳтарин аз ҳар гурӯҳ ба финали Ҷоми Федератсия-2021, ки моҳи феврал дар Душанбе баргузор мешавад, роҳ меёбанд.
Ёдрас мешавем, ки бо қарори Федератсияи футболи Тоҷикистон ҳамаи дастаҳо аз ҳаққи узвият барои иштирок дар Ҷоми ФФТ-2021 озод карда шуданд. Тамоми хароҷоти ташкили мусобиқаро Лигаи футболи Тоҷикистон бар дӯш мегирад.
Ҷоми ФФТ-2021
Марҳилаи муқаддамотӣ. Минтақаи Душанбе
Гурӯҳи «А»: «Локомотив-Помир», «Регар-ТадАЗ», «Кӯктош», КМВА, «Шоҳмансур».
Гурӯҳи «Б»: «Душанбе-83», «Ваҳдат», «Истиқлол», «Барқчӣ».
Даври 1-ум
25 январ (душанбе)
10:30 – «Регар-ТадАЗ» – «Шоҳмансур». Ҳисор, Варзишгоҳи марказӣ
10:30 – «Душанбе-83» – «Барқчӣ». Душанбе, Варзишгоҳи марказӣ
14:00 – «Кӯктош» – КМВА. Ҳисор, Варзишгоҳи марказӣ
14:00 – «Ваҳдат» – «Истиқлол». Душанбе, Варзишгоҳи марказӣ
Даври 2-юм
28 январ (панҷшанбе)
10:30 – «Шоҳмансур» – «Кӯктош». Душанбе, Варзишгоҳи марказӣ
10:30 – «Барқчӣ» – «Истиқлол». Ҳисор, Варзишгоҳи марказӣ
14:00 – «Локомотив-Помир» – «Регар-ТадАЗ». Душанбе, Варзишгоҳи марказӣ
14:00 – «Душанбе-83» – «Ваҳдат». Ҳисор, Варзишгоҳи марказӣ
Даври 3-юм
30 январ (шанбе)
10:30 – «Кӯктош» – «Локомотив-Помир». Ҳисор, Варзишгоҳи марказӣ
10:30 – «Ваҳдат» – «Барқчӣ». Душанбе, Варзишгоҳи марказӣ
14:00 – КМВА – «Шоҳмансур». Ҳисор, Варзишгоҳи марказӣ
14:00 – «Истиқлол» – «Душанбе-83». Душанбе, Варзишгоҳи марказӣ
Даври 4-ум
1 феврал (душанбе)
10:30 – «Локомотив-Помир» – КМВА. Ҳисор, Варзишгоҳи марказӣ
14:00 – «Регар-ТадАЗ» – «Кӯктош». Ҳисор, Варзишгоҳи марказӣ
Даври 5-ум
4 феврал (панҷшанбе)
10:30 – КМВА – «Регар-ТадАЗ». Душанбе, Варзишгоҳи марказӣ
14:00 – «Шоҳмансур» – «Локомотив-Помир». Душанбе, Варзишгоҳи марказӣ
АКС аз ФФТ








Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд






