Дар Душанбе ҷаласаи ҷамъбастии Созмони собиқадорони мақомоти корҳои дохилӣ доир гардид

Январь 16, 2021 14:08

ДУШАНБЕ, 16.01.2021. /АМИТ «Ховар»/. Истифодаи таҷрибаи бойи собиқадорони Вазорати корҳои дохилӣ дар тарбия ва баланд бардоштани малакаи касбии ҳайати шахсӣ, дар қалби онҳо бедор намудани ҳисси масъулиятшиносӣ нисбат ба иҷрои вазифаҳои хизматӣ, баланд бардоштани рӯҳияи ифтихори миллӣ, ватандӯстиву ватанпарастӣ, садоқат ба Ватан ва савганди хизматӣ аз самтҳои муҳими фаъолияти Созмони собиқадорони мақомоти корҳои дохилии Ҷумҳурии Тоҷикистон дар соли 2020 буданд. Ин нукта имрӯз зимни ҷаласаи васеи ин созмони ҷамъиятӣ, ки дар натиҷаҳои фаъолият дар соли 2020 натиҷагирӣ ва фазифаҳо барои соли 2021 муайян карда шуданд, зикр гардид.

Раиси Созмони собиқадорони мақомоти корҳои дохилии Ҷумҳурии Тоҷикистон, генерал-майори милитсия Саид Ҷӯрахонзода дар ҷаласа иброз дошт, ки собиқадорони мақомоти корҳои дохилӣ дар давраи душвор фаъолияти самарабахш намуда, дар таъмини сохти конститутсионӣ ва барқарор намудани сулҳу суботи комил, ки таҳти роҳбарии бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба бор омад, саҳми сазовор гузоштаанд. Аз ин рӯ, имрӯз ба насли ҷавон омӯхтани таҷрибаи онҳо муҳим аст ва ҳамкории мақомот бо собиқадорон дар ин самт бояд тақвият бахшида шавад.

Иттилоъ дода шуд, ки имӯз дар ин созмон 14521 нафар нафақагир ба қайд гирифта шудаанд, ки аз ин шумора 2435 нафар собиқадороне, ки 25 сол ва зиёда аз он хизмат намудаанд, 8480 нафар нафақагироне, ки аз 25 сол кам хизмат кардаанд ва 2 нафар иштирокчии ҷанги Бузурги Ватанӣ мебошанд.

Зикр гардид, ки дар мақомоти корҳои дохилӣ дар сатҳи ҷумҳурӣ 87 созмони ҷамъиятӣ дар раёсатҳо ва шуъбаҳои ВКД фаъолият мебаранд. Ин созмонҳо таваҷҷуҳи асосиро ба пурзӯр намудани корҳои тарбиявӣ, бахусус дар байни ҷавонон равона сохта, дар ҳамаи ҷамъомадҳои сиёсиву фарҳангӣ ва ҷамъиятӣ фаъолона иштирок меварзанд.

Саид Ҷӯрахонзода зикр намуд, ки дар давоми соли 2020 бо иштироки аъзои Созмони собиқадорони мақомоти корҳои дохилӣ 110 мулоқоти судманд бо ҳайати шахсӣ анҷом дода шуда, дар радиову телевизион 23 баромад сурат гирифт.

Дар давраи ҳисоботӣ ба 56 нафар собиқадорони мақомоти корҳои дохилӣ аз дастгоҳи марказӣ дар арафаи солзодашон (60-70-80-90-солагӣ) кумакҳои пулӣ расонида шуд. Инчунин, дар ин давра ба собиқадорон, нафақагирон, беморон, маъюбон, оилаҳои бесаробонмонда, ҷамъ 5953 нафар кумакҳои моддӣ расонида шуд.

Дар фарҷоми ҷаласа нақшаву қарорҳои марбута қабул гардиданд. Дар асоси ин нақшаву қарорҳо, аз ҷумла дар соли 2021 ба истиқболи 30-солагии Истиқлоли давлатии Ҷумҳурии Тоҷикистон баргузории озмуни «Беҳтарин созмони собиқадорони мақомоти корҳои дохилӣ» дар вилоятҳо, шаҳри Душанбе, ноҳияҳои тобеи марказ ва шаҳру ноҳияҳои ҷумҳурӣ дар назар аст.

 

Январь 16, 2021 14:08

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»