Дар корхонаи «Кабудизоркунӣ ва гулпарварӣ»-и Хуҷанд гармхона ва мағозаи фурўши гулу кўчат бунёд мегардад

Январь 15, 2021 10:21

 ДУШАНБЕ, 15.01.2021 /АМИТ «Ховар»/. Дар Корхонаи давлатии «Кабудизоркунӣ ва гулпарварӣ»-и шаҳри Хуҷанд бунёди ду адад гармхона, мағозаи фурўши гулу кўчат ва нуқтаи маслиҳатдиҳӣ оид ба парвариши онҳо  дар назар аст. Дар ин бора зимни боздид аз фаъолияти муасссаи «Кабудизоркунӣ ва гулпарварӣ»-и шаҳри Хуҷанд  ба Раиси вилояти Суғд Раҷаббой Аҳмадзода ва иҷрокунандаи вазифаи Раиси шаҳри Хуҷанд Фирдавс Шарифзода иттилоъ доданд.

Тавре аз маркази матбуоти Раиси шаҳри Хуҷанд ба АМИТ «Ховар» хабар доданд, ҳудуди муассисаи мазкур беш аз 8 гектарро ташкил дода, дар он ду адад гармхона бо парвариши гулҳои мавсимӣ фаъол мебошанд. Ҳоло дар ин муассисаи гулпарварӣ қариб 1 миллион гулҳои мавсимӣ парвариш ёфта истодаанд.

Раиси вилоят Раҷаббой Аҳмадзода ба роҳбарияти шаҳр дастур дод, ки ҷиҳати парвариши гулҳои мавсимӣ дар гармхонаҳои муассиса ва кӯчати онҳо дар кӯчаву хиёбонҳои шаҳр то оғози фасли баҳор тадбирҳои фаврӣ андешанд.

Таъкид гардид, ки ба таъмиру ороиши биноҳои иҳотавии муассиса, буриши санитарии дарахтон ва нигоҳубини доимии ниҳолҳои шинонидашуда таваҷҷуҳи доимӣ зоҳир шавад. Дар зудтарин фурсат гармхонаҳои дигари муассиса ба кор андохта шуда, ба манфиати молии коргоҳ мутобиқ гардонида шаванд.

Ҳамчунин дастур дода шуд, ки ҷиҳати истифодаи самараноки замини муассиса тадбирҳо андешида  шуда, дар қитъаҳои алоҳида кишти кабудию сабзавот барои таъмини бозори дохилӣ ба роҳ монда шавад. Ҷиҳати парвариши дарахтони нодир, ки минбаъд дар кўчаву хиёбонҳои асосии шаҳр шинонида мешаванд, чораҳои амалӣ роҳандозӣ гарданд.

Масъулини муассисаи «Кабудизоркунӣ ва гулпарварӣ»-и шаҳри Хуҷанд муваззаф гардиданд, ки ҷиҳати иҷрои супоришҳои гузошташуда аз тамоми имконоту василаҳо истифода намуда, дар хурраму сабзазоркунии шаҳри бостонии Хуҷанд ҳисса гузоранд.

Январь 15, 2021 10:21

Хабарҳои дигари ин бахш

34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст