Дар ноҳияи Ҷаббор Расулов «Корпоратсияи моҳии тоҷик» ташкил ва ба парвариши гулмоҳӣ махсус гардонида мешавад
ДУШАНБЕ, 28.01.2021 /АМИТ «Ховар»/. Бо мақсади рушди соҳаи моҳипарварӣ дар Ҷамоати деҳоти Гулхонаи ноҳияи Ҷаббор Расулов «Корпоратсияи моҳии тоҷик» ташкил ва тибқи нақша ба парвариши гулмоҳӣ махсус гардонида мешавад. Айни замон корҳои сохтмони хоҷагии моҳипарварӣ бо суръат идома дошта, бо истифода аз техникаи пуриқтидор кофтани 25 ҳавзи моҳипарварӣ ҷараён дорад. Майдони умумии хоҷагии моҳипарварӣ 3 гектар буда, тибқи нақша дар марҳилаи аввал 100 ҳазор гулмоҳичаҳо парвариш меёбанд.
Тавре аз Раёсати ҳифзи муҳити зисти вилояти Суғд хабар доданд, хоҷагӣ ният дорад, ки дар соли аввали фаъолият 100 тонна гӯшти тайёри гулмоҳиро пешкаши харидорон намояд. Намояндагони Раёсати ҳифзи муҳити зисти вилояти Суғд ва «Корпоратсияи моҳии тоҷик»-и чумҳурӣ аз ҷараёни корҳои сохтмонӣ дидан намуда, ба моҳипарварон маслиҳатҳои муфид пешниҳод карданд.
Интизор меравад, ки хоҷагии моҳипарварӣ дар рӯзҳои ҷашни байналмилалии Наврӯз ба истифода дода шавад. Ҳамзамон бо мақсади фароҳам овардани шароит барои афзоиши моҳичаҳо ва маҳсулот сохтмони сехи инкубатсия пешбинӣ гардидааст.
Парвозҳои мустақим дар самти Машҳад – Душанбе – Машҳад оғоз гардид
Тоҷикистон ва Ҷопон дар соҳаи мониторинги пиряхҳо, газҳои гулхонаӣ ва сифати ҳаво Ёддошти тафоҳум ба имзо расониданд
Байни Палатаи савдо ва саноати Тоҷикистон ва вилояти Қазвини Эрон Ёддошти тафоҳуми ҳамкорӣ ба имзо расид
Неругоҳи барқи обии «Тоҷикистон» дар 7 сол 30 миллион кВт-соат неруи барқ истеҳсол намудааст
Дар ноҳияи Деваштич шудгори заминҳо оғоз гардид
Оид ба ҳамкории Тоҷикистон ва Иттиҳоди Аврупо дар рушди энергетикаи устувор намоиши аксҳо доир шуд
Дар Тоҷикистон беш аз 611 гектар замин шудгор карда мешавад
Дар Хатлон беш аз 30 ҳазор зан ба фаъолияти соҳибкорӣ машғул аст
Дар Душанбе масъалаҳои марбут ба тавоноӣ барои мувозинати низоми энергетикӣ баррасӣ карда шуд
Лоиҳаи Кодекси экологии Ҷумҳурии Тоҷикистон таҳия гардид
Кумитаи бехатарии озуқаворӣ оид ба солимии ҳайвонот конференсияи байналмилалӣ баргузор намуд
Ҳамкорӣ дар самти рушди манбаъҳои барқароршавандаи энергия баррасӣ гардид
