Дар Суғд байни кӯдакони то 14-сола ва аз он боло Озмуни вилоятии «Китобхони беҳтарин» баргузор шуд
ДУШАНБЕ, 13.01.2020 /АМИТ «Ховар»/. Бо ибтикори Маркази таҳсилоти иловагии вилояти Суғд дар давраи таътили зимистона байни кӯдакони то 14-сола ва аз он боло Озмуни вилоятии «Китобхони беҳтарин» ташкил ва баргузор шуд. Дар озмуни мазкур 63 нафар довталаб аз 18 шаҳру ноҳияҳои вилояти Суғд ширкат варзида, миёни кӯдакони то 14-сола ҷойи аввалро хонандаи синфи 5 аз шаҳри Хуҷанд Фаридаи Мирмуҳаммад гирифт. Миёни довталабони аз 14-сола боло ғолибият насиби хонандаи синфи 9 — и шаҳри Истиқлол Мадинаи Ғиёсиддин гардид.
Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, ҳамчунин ҷои дуюм ва сеюм миёни кӯдакони то 14-сола насиби хонандаи синфи 6 –и шаҳри Хуҷанд Сумайя Фарҳодзода ва хонандаи синфи 5–и ноҳияи Ҷаббор Расулов Хушноза Абдунабизода гардид.
Миёни хонандагони аз 14-сола боло хонандаи синфи 9 -и ноҳияи Бобоҷон Ғафуров Адиба Вайдуллоева ва хонандаи синфи 9 -и ноҳияи Спитамен Шарифамоҳ Фаттоева сазовори ҷойҳои ифтихорӣ шуданд.
Дар ҷамъбаст ба ғолибон дипломи Раёсати маорифи вилояти Суғд ва китобҳои тозанашр тақдим гардиданд.
Ёдовар мешавем, ки Озмуни вилоятии «Китобхони беҳтарин» тайи 3 сол аст, ки бо мақсади ҷалби бештари кӯдакону наврасон ба китобу китобхонӣ, дарёфти истеъдодҳои нав, ғанӣ гардонидани ҷаҳони маънавии насли наврас, рушди малака ва қобилияти зеҳнии кӯдакон доир гардида, дар он довталабони зиёд иштирок менамоянд.
«ТОҶИКИСТОН — ВАТАНИ АЗИЗИ МАН». 51 довталаб аз ноҳияи Данғара ба даври вилоятии озмун роҳхат гирифт
«ИЛМ – ФУРӮҒИ МАЪРИФАТ». 60 довталаб аз Донишгоҳи техникии Тоҷикистон ба даври дуюми озмун роҳхат гирифт
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
Дар шаҳри Ҳисор маҳфил-озмунҳои «Тоҷикистони ман!» ва «Шоҳномахонӣ» оғоз гардиданд
«ТОҶИКИСТОН — ВАТАНИ АЗИЗИ МАН». Дар ноҳияи Варзоб даври ноҳиявии озмуни ҷумҳуриявӣ доир шуд
«ИЛМ — ФУРӮҒИ МАЪРИФАТ». Дар Донишгоҳи давлатии Бохтар даври муассисавии озмуни ҷумҳуриявӣ доир шуд
Дар Хуҷанд даври якуми Озмуни ҷумҳуриявии «Тоҷикистон — Ватани азизи ман» баргузор шуд
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
