Дар таътили зимистона завқи хонандагон ба китобхонӣ хеле зиёд шудааст

Январь 7, 2021 14:31

ДУШАНБЕ, 07.01.2021 /АМИТ «Ховар»/. Ҳамасола дар муассисаҳои таҳсилоти умумии  Ҷумҳурии Тоҷикистон барои хонандагон 10 рӯз таътили зимистона муқаррар шудааст.  Имсол низ таътили зимистона дар тамоми муассисаҳои таҳсилоти умумии  ҷумҳурӣ аз 1 январ оғоз шуда, то 10 январ идома меёбад. Хонандагон дар ин муддат ба хондани китобҳои бадеӣ, забономӯзӣ, ҳунармандӣ ва дигар корҳои барои худ ва ҷамъият фоидаовар машғул мешаванд. Асосан бештари хонандагон  ба китобхонаҳо рафта, бо хондани китобҳои шавқовар дониши худро сайқал медиҳанд. 

Китобхонаи давлатии бачагонаи ба номи Мирсаид Миршакар, ки яке аз  калонтарин китобхонаҳои бачагонаи ҷумҳурӣ ба шумор меравад,  дар тарғиби китобу китобхонӣ, ҷалби кӯдакону наврасон ба китоб ва баргузории барномаҳои фарҳангӣ саҳми назаррас дорад.

Муовини директори Китобхонаи мазкур Азиза Сатторова дар суҳбат бо хабарнигори АМИТ «Ховар» иброз намуд, ки тӯли ҳафтае, ки  хонандагон дар таътиланд, эҳсос мешавад, ки завқи онҳо нисбат ба солҳои пешин ба хондани китобу рафтан ба китобхона хеле боло рафтааст.  Мавсуф зикр кард, ки дархости хонандагон асосан аз адабиёти бадеӣ аст. «Хурсандиовар аст, ки вақте кӯдак ё наврас ба китобхонӣ машғул мегардад, ин монеъи оворагардӣ  ва сарфи беҳудаи вақти онҳо дар кӯча ва марказҳои интернетӣ  шуда метавонад»,-афзуд А. Сатторова

Дар соли сипаригардида кормандони китобхонаи бачагона ба 8650 нафар хонанда хизмат расонида, ба онҳо 21 825 нусха китобро барои хондан манзур намудаанд.

Номбурда зикр кард, ки дар вақти баргузории Озмуни ҷумҳуриявии «Фурӯғи субҳи доноӣ китоб аст» тавассути хизматрасонии китобӣ ба хонандагон ва иштирокчиёни озмун тадбирҳои судманд андешида шуданд. Дар ин озмун 20 нафар хонандагони фаъоли мо иштирок намуда,  5 нафар ба даври ҷумҳуриявӣ роҳхат гирифтанд.

Ҳамчунин бо ташаббуси кормандони китобхона ҳар сол Фестивали ҷумхуриявии «Ҳафтаи китоби кӯдакону наврасони Тоҷикистон» баргузор мегардад.

Дар Китобхонаи давлатии бачагонаи ба номи Мирсаид Миршакар ҳоло 111 431 нусха китоб мавҷуд аст, ки аз инҳо 111 188 нусха китобҳои чопӣ, 131 нусха бо 1007 номгӯй китобҳои таълимӣ дар шакли электронӣ ва 112 нусха бо 110 номгӯй китобҳои гӯё мебошанд.

“Тамоми захираи китобии китобхона дар маҷмӯи феҳристу картотекаҳо сабт шудааст. Ҳамчунин имрӯз зиёда аз 1165 нусха китоб дар шакли электронӣ нусхабардорӣ шудаанд”,-гуфт дар суҳбат муовини директори китобхона Азиза Сатторова.

Солҳои аввал захираи асарҳои китобхона аз ҳисоби давлат ва шоиру нависандагони Тоҷикистон пурра мешуд. Масалан, аввалин бор шоири маҳбуби бачагон шодравон Мирсаид Миршакар ба китобхона 289 нусха китоб туҳфа намуда буд.

Ёдовар мешавем, ки 1 феврали соли 2003 бо қарори ҷаласаи ҳайати мушовараи Вазорати фарҳанги Ҷумҳурии Тоҷикистон барои поси хотир ва қадрдонии хизматҳои шоёни устод Мирсаид Миршакар ва ба муносибати таҷлили 90-солагиаш ба Китобхонаи давлатии бачагонаи Ҷумҳурии Тоҷикистон номи ин Шоири халқии Тоҷикистон  гузошта шуд.

София ШОИК,
АМИТ «Ховар»

Январь 7, 2021 14:31

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад