Мақомоти иҷроияи ҳокимияти давлатии ноҳияи Ёвон ба хабари дар сомонаи АМИТ «Ховар» нашршуда посух гуфтааст
ДУШАНБЕ, 19.01.2020 /АМИТ «Ховар»/. Мақомоти иҷроияи ҳокимияти давлатии ноҳияи Ёвон дар иртибот ба хабаре, ки 9 январи соли 2020 дар сомонаи АМИТ «Ховар» таҳти унвони «БОНГИ ИЗТИРОБ: танҳо 4,6 фоизи кӯдакони синни томактабии ноҳияи Ёвон ба боғчаҳо ва марказҳои инкишофи кӯдакон фаро гирифта шудаанд», нашр шуда буд, ба унвони Агентӣ ҷавоб ирсол намудааст.
Ёдовар мешавем, ки дар хабари дар сомонаи Агентӣ нашршуда омада буд, ки «дар ҳисоботи омории шуъбаи маорифи ноҳияи Ёвон пешниҳод гардидааст, ки бинобар кам будани муассисаҳои томактабӣ дар ноҳия танҳо 4,6 фоизи кӯдакони синни томактабӣ ба боғчаҳо ва марказҳои инкишофи кӯдакон фаро гирифта шудаанд, ки ин боиси ташвиш ва нигаронист».
Инак баъди сипарӣ гардидани як солу даҳ рӯз Мақомоти иҷроияи ҳокимияти давлатии ноҳияи Ёвон чунин маълумот пешниҳод намудааст:
«Мақомоти иҷроияи ҳокимияти давлатии ноҳияи Ёвон дар давоми соли 2020 бо мақсади таъмини рушди соҳаи маориф тадбирҳои муайянеро ба сомон расонид.
Соли гузашта дар назди се муассиаи таҳсилоти миёнаи умумӣ 3 бинои таъмилӣ (дар маҷмӯъ иборат аз 16 синфхона), инчунин дар назди ду муассисаи дигар 7 синфхонаи иловагӣ бунёд ёфта, ҳоло дар назди массисаҳои мавҷуда сохтмони 9 бинои таълимӣ ва 19 синфхонаи нав идома дорад.
Ҷиҳати фарогирии бештари кӯдакон ба таълиму тарбия давоми соли сипаригашта таъдоди марказҳои инкишофи кӯдакон то ба 55 адад расонида шуд. Айни замон ба 7 муассисаи томактабӣ 1203 нафар ва дар марказҳои инкишофи кӯдакон 1313 нафар кӯдак ҷалб гардидаанд, ки ин баробари 9,6 фоизи кӯакони синни томактабӣ мебошад.
Дар доираи «Барномаи рушди иқтисодию иҷтимоии ноҳияи Ёвон барои соли 2021-2025» дар ноҳия ба истифода додани 3 муассисаи нави томактабӣ (дар деҳаҳои ба номи Ҳ. Ҳусайнов, Қирғизободи деҳоти Обшорон ва Бӯстони деҳоти ба номи Г. Юсуфова) пешбинӣ гардидааст ва дар сурати бунёди онҳо инчунин бо таъмир ва ҷиҳозонидани кӯдакистонҳои мавҷуда, фарогирии кӯдакони синни томактабӣ то соли 2025 ба 3416 нафар расонида хоҳад шуд.
Мақомоти иҷроияи ҳокимияти давлатии ноҳияи Ёвон бо истифода аз ҳамаи имконият кӯшиш ба харҷ медиҳад, ки масъалаҳои рушди бонизоми соҳаи маориф, аз ҷумла ба таълиму тарбия фаро гирифтани кӯдакони синни томактабӣ тадриҷан беҳтар гардонида шаванд».
Акс аз бойгонӣ
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
