Сафорати Ҳиндустон ба Маркази тадқиқоти стратегии Тоҷикистон таҷҳизоти техникӣ тақдим намуд
ДУШАНБЕ, 20.01.2021. /АМИТ «Ховар»/. 20 январ Сафорати Ҷумҳурии Ҳиндустон дар Тоҷикистон дар доираи дастгирии техникии муассисаҳои таҳлилӣ ва илмӣ ба Маркази тадқиқоти стратегии назди Президенти Ҷумҳурии Тоҷикистон як теъдод таҷҳизоту афзори компютерӣ ҳадя кард. Таҷҳизоти номбурдаро Сафири Фавқулода ва Мухтори Ҷумҳурии Ҳиндустон дар Ҷумҳурии Тоҷикистон Вираҷ Синх тақдим намуд. Дар ин бора аз Маркази тадқиқоти стратегии назди Президенти Ҷумҳурии Тоҷикистон ба АМИТ «Ховар» иттилоъ доданд.
Директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ ба Сафорати Ҷумҳурии Ҳиндустон, махсусан ба ҷаноби Сафир барои дастгирии техникӣ ва эҳдои таҷҳизот изҳори сипос кард.
Хуршед Зиёӣ аз ҷумла зикр намуд, ки Ҷумҳурии Ҳиндустон яке аз шарикони боэътимоди Ҷумҳурии Тоҷикистон дар самти рушди техникӣ ва амалисозии барномаҳои давлатӣ дар соҳаи технологияҳои иттилоотӣ ба ҳисоб меравад. Ҳамчунин бо мақсади баланд бардоштани савияи дониши мутахассисони тоҷик ҳамасола аз ҷониби Ҳукумати Ҷумҳурии Ҳиндустон давраҳои мухталиф дар доираи Барномаи омӯзишии ҳамкории иқтисодӣ (ITEC) ва Шӯрои муносибатҳои фарҳангӣ (ICCR) дар Ҳиндустон гузаронида мешаванд.
Робитаҳои дӯстонаи Тоҷикистон ва Ҳиндустон сол ба сол таҳким меёбанд. Ин ду давлати дӯст муштаракоти таърихӣ ва фарҳангии чандинасра дошта, барои рушду густариши минбаъдаи ҳамкорӣ дар соҳаҳои фарҳангу маориф ва махсусан соҳаи туризм барнома ва пешниҳодҳои мушаххас амалӣ намуда истодаанд.
Сафоратҳои ҳарду кишвар миёни марказҳои зеҳнии Ҳиндустон ва Тоҷикистон робитаҳои илмиву пажӯҳишӣ барқарор намудаанд, ки ин иқдом ба манфиати ҳарду кишвари дӯст ва ҳамфарҳанг аст.
Маркази тадқиқоти стратегии назди Президенти Ҷумҳурии Тоҷикистон бо якчанд марказҳои бонуфузи зеҳнии ҷаҳонӣ, аз ҷумла бо Ҷумҳурии Ҳиндустон Ёддошти тафоҳум ба имзо расонидааст, ки ин аз таҳкими робитаҳои илмиву пажӯҳишӣ ва фарҳангии ҳарду давлат шаҳодат медиҳад.
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
