СММ: Аз соли 2011 то соли 2020 дар таърихи мушоҳидаҳо даҳсолаи гармтарин буд
ДУШАНБЕ, 15.01.2021 /АМИТ «Ховар»/. Соли 2020 дар таърихи мушоҳидаҳои метеорологӣ яке аз се соли гармтарин буд. Ва ҳатто падидаи табиии Ла-Ниня, ки одатан сардшавии назаррас ба бор меорад, вазъро ба таври куллӣ дигар накард. Тавре АМИТ «Ховар» бо истинод ба хадамоти ахбори СММ хабар медиҳад, дар ин бора дар гузориши нави Созмони умумиҷаҳонии метеорологӣ (СУМ), ки дирӯз, 14 январ нашр шуд, гуфта мешавад.
Маълумоти СУМ бо хулосаҳои НАСА, Раёсати миллии тадқиқоти уқёнус ва атмосфераи ИМА ва Хадамоти метеорологии Британия, ки дирӯз низ нашр шуданд, мувофиқат мекунанд.
Метеорологҳо гузориш медиҳанд, ки давраи аз соли 2011 то 2020 дар таърих гармтарин даҳсола буд. Солҳои аз 2015 то 2020 шаш давраи гармтарин буданд. Дар ин қатор, соли 2016, ки падидаи табиии Эл-Нино боиси гармӣ шуд, дар ҷои аввал, соли 2019 дар ҷои дуюм ва соли 2020 дар ҷои сеюм қарор гирифтанд. Дар ҳамин ҳол, нишондиҳандаҳои миёнаи солонаи ҳарорат дар се соли охир аз ҳамдигар кам фарқ мекарданд.
Ҳамчунин зикр мешавад, ки ҳарорати миёна тайи 12 моҳи охир «тақрибан 14,9 дараҷа буд, ки нисбат ба сатҳи давраи пеш аз саноатӣ (1850-1900) 1,2 дараҷа (гарм ё хунук 0,1 дараҷа) зиёдтар аст».
«Бениҳоят аҷиб аст, вақте мо шоҳиди падидаҳои шадиди гармшавӣ дар таърихи Эл-Нино, ки боис ба гармӣ мегарданд, будем, соли 2020 тақрибан ба соли 2016 шабеҳ буд. Ин нишонаи равшани он аст, тағирёбии иқлим, ки аз ҷониби инсон ба вуҷуд омадааст, ҳоло бо қувваҳои табиат дар як сатҳ қарор дорад», — гуфт роҳбари СУМ Петтери Таалас.
Натиҷаҳои мушоҳида ба хулосае оварданд, ки тайғирёбии иқлими аз ҷониби инсон бавуҷудомада имрӯз ҳамчун падидаҳои табиӣ хеле боқудратанд, ки метавонанд ба ҳарорати ҳаво таъсир расонанд.
Дабири кулли СММ Антонио Гутеррес дар навбати худ таъкид кардааст, ки инсоният «дар ин аср болоравии фалокатбори ҳарорат то 3-5 дараҷаро аз сар хоҳад гузаронд». Ба гуфтаи ӯ, сулҳ бо табиат муайянкунандаи вазифаҳои асри 21 мебошад ва барои ҳар нафар бояд афзалияти аввалиндараҷа дошта бошад.
Акс аз СММ
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
