Зиёда аз 601 ҳазор нафар дар як шабонарӯз дар ҷаҳон аз коронавирус сироят ёфтаанд

ДУШАНБЕ, 29.01.2021 /АМИТ «Ховар«/. Шумораи ҳолатҳои тасдиқшудаи сироятёбӣ аз коронавируси нав дар ҷаҳон дар як шабонарӯз беш аз 601 ҳазор афзуд ва аз 102 миллион гузашт, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ), ки имрӯз интишор шуд.

То соати 10:00 (ба вақти Душанбе)-и 29 январ, ба СУТ дар хусуси 102 041 120 сироятёфта ва 2 201 044 ҷонбохта маълумот ворид шудааст. Шумораи гирифторони ин беморӣ 601,212 ва фавтҳо — 16 388 нафар афзудааст.

Аксарияти ҳолатҳои тасдиқшудаи сироятёбӣ дар ИМА сабт шудаанд — 26 338 607. Пас аз он Ҳиндустон (10 720 971), Бразилия (9 060 786), Россия (3 793 810), Британияи Кабир (3 743 734), Франсия (3 130 629), Испания (2 792 360), Италия (2 515 507), Туркия (2 457 118), Германия (2 194 562), Колумбия (2 067 575) ва Аргентина (1 905 524) қарор доранд.

                                                                АКСИ:123rf.com