Амалиёти шартии «Корд»: Беш аз 30 адад силоҳи сард мусодира ва фурӯшандаи он ҳабс гардид
ДУШАНБЕ, 25.02.2021 /АМИТ «Ховар»/. Дар доираи баргузории амалиёти шартии «Корд» аз ҷониби кормандони милитсияи пойтахт як нафар фурӯшанда ва паҳнкунандаи ашёи ба сифати силоҳи сард истифодашаванда, аз қабили кордҳои гуногунтамға муайяну ошкор ва фурӯшандаи он дастгир карда шуд. Дар ин бора аз Раёсати Вазорати корҳои дохилии Ҷумҳурии Тоҷикистон дар шаҳри Душанбе ба АМИТ «Ховар» хабар доданд.
21 феврали соли равон зимни санҷиш муайян гардид, ки шаҳрванд Эмомов Алиакбар Сафарович, соли таваллудаш 1995, истиқоматкунандаи ноҳияи Рӯдакӣ дар кӯчаи Убайди Зоконии пойтахт бар хилофи талаботи қонунгузорӣ фурӯши ашёи таркибан силоҳмонандро ба роҳ мондааст.
Дар натиҷаи санҷиш ва азназаргузаронии фурӯшгоҳи мазкур зиёда аз 30 адад чунин ашёи ба сифати силоҳи сард истифодашаванда дарёфту мусодира карда шуданд.
Зимни пурсиш шаҳрванд Алиакбар Эмомов изҳор дошт, ки ашёи зикршударо ба хотири ба даст овардани маблағу даромад ба фурӯш гузоштааст, ки онро асосан ҷавонону ноболиғон мехаридаанд.
Воқеан ҷовонону ноболиғон ин қабил ашёро на ба хотири истифодаи хоҷагӣ, балки бо мақсади бо худ нигоҳ доштану тарс додани рақибони худ мехаранд, ки оқибати фалокатбори он ба ҳамагон маълум аст.
Бо назардошти ҳолатҳои мазкур нисбат ба шаҳрванд Алиакбар Эмомов санади маъмурӣ тартиб дода шуда, ба ӯ ҷазо дар намуди ҳабси маъмурӣ ба муҳлати 5 шабонарӯз таъйин карда шуд.
Прокурорҳои генералии Тоҷикистон ва Узбекистон масоили муқовимат ба ҷинояткории фаромиллиро баррасӣ намуданд
10 РӮЗИ АМАЛИЁТИ ШАРТИИ «ТАСМАИ БЕХАТАРӢ» ВА «СКУТЕР». Зиёда аз 1000 ҳолати риоя нагардидани қоидаҳои ҳаракат дар роҳ ошкор гардид
Прокурори генералии Тоҷикистон дар ҷаласаи 6-уми прокуророни генералии давлатҳои аъзои СҲИ иштирок намуд
Ҷаласаи навбатии Кумитаи сардорони ситоди Қувваҳои Мусаллаҳи кишварҳои ИДМ баргузор гардид
БОВАРӢ БА ФОЛБИНУ СОҲИР МЕТАВОНАД БА АҚЛ ВА ФИКРИ ИНСОН ЗАРАР РАСОНАД. Ва ё чаро одамон ба фолбинҳо бовар мекунанд?
ҚОИДАҲОИ ҲАРАКАТ ДАР РОҲРО РИОЯ НАМОЕД! Бо иштироки мототсикл ва скутер 140 ҳодисаи роҳу нақлиёт сабт гардидааст
Ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Ҷаласаи комиссияи даъвати ҷумҳуриявӣ оид ба омодагӣ ба даъвати тирамоҳии хизмати ҳарбӣ доир шуд
Наҷотдиҳандагони Тоҷикистон дар тамринҳои байналмилалии ҷустуҷӯӣ ва наҷотдиҳӣ дар Британияи Кабир иштирок намуданд
Gallup: Тоҷикистон аз ҷиҳати амну субот ва эътимоду боварии шаҳрвандон ба мақомоти ҳифзи ҳуқуқ дар ҷойи якум қарор гирифт
Тоҷикистон ба даҳгонаи давлатҳои амнтарини ҷаҳон шомил шуд
