Ҷамолиддин Абдуллозода ба Роҳбари Намояндагии СУТ: аз оғози сол дар Тоҷикистон ягон ҳодисаи нави сирояти COVID-19 ошкор нашудааст
ДУШАНБЕ, 02.02.2021. /АМИТ «Ховар»/. Аз оғози моҳи январи соли равон то имрӯз дар Тоҷикистон ягон ҳодисаи нави бемории сироятии COVID-19 ба қайд гирифта нашудааст. Дар ин бора дирӯз Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода зимни мулоқот бо Роҳбари навтаъйини Намояндагии Созмони умумиҷаҳонии тандурустӣ (СУТ) дар Тоҷикистон Виктор Олшавски маълумот дод.
Тавре АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии ҷумҳурӣ хабар медиҳад, дар оғози мулоқот Ҷамолиддин Абдуллозода Виктор Олшавскиро ба муносибати Роҳбари Намояндагии СУТ дар Тоҷикистон таъйин гардиданаш шодбош гуфта, дар идомаи фаъолияти корӣ ба ӯ барору комёбӣ орзу кардааст.
Дар идомаи суҳбат Ҷамолиддин Абдуллозода вобаста ба вазъи бемории коронавируси нави COVID-19 дар Тоҷикистон маълумот дода, иброз дошт, ки хушбахтона, аз оғози моҳи январи соли равон то имрӯз ягон ҳодисаи нави бемории мазкур ба қайд гирифта нашудааст.
Дар фарҷоми мулоқот ҷонибҳо ҳавасмандии хешро ҷиҳати боз ҳам тақвият бахшидани ҳамкорӣ иброз намуданд.
Бояд тазаккур дод, ки дирӯз муовини Вазири корҳои хориҷӣ Музаффар Ҳусейнзода низ Роҳбари навтаъйини Намояндагии СУТ дар Тоҷикистон Виктор Олшавскиро ба ҳузур пазируфт.
Зимни мулоқот ҷонибҳо дар бораи масъалаҳои ҳамкории Тоҷикистон бо Созмони мазкур, аз ҷумла пешгирӣ ва назорати паҳншавии коронавируси нав (COVID-19) табодули афкор намуданд.
Виктор Олшавскийи 61-сола қаблан намояндаи СУТ дар Босния ва Ҳерзеговина буда, ҳамчунин ба намояндагиҳои Созмон дар Того, Молдова ва Ӯзбекистон кумак кардааст.
Охири моҳи декабри соли гузашта ӯ ба ҳайси Роҳбари намояндагии СУТ дар Тоҷикистон таъйин шуд.
АКС аз Вазорати тандурустӣ ва ҳифзи иҷтимоии аҳолии ҶТ
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
Дар Институти геология, сохтмони ба заминҷунбӣ тобовар ва сейсмология Маркази мониторинги сейсмикӣ ба истифода дода шуд
Намояндагони Сафорати Тоҷикистон дар Федератсияи Русия бо донишҷӯёни тоҷик вохӯрӣ намуданд
Дар Душанбе масъалаи ифлосшавии ҳавои атмосферӣ дар мамлакат баррасӣ гардид
Дар Тоҷикистон барои беҳтар намудани хизматрасонии тиббӣ иқдоми нав амалӣ мегардад
Тоҷикистону Чин дар бахши тандурустӣ Ёддошти ҳамкории сеҷониба ба имзо расониданд
«БАҲОРИ ҶАВОНӢ — НАВРӮЗИ ҶАҲОНӢ». Дар вилояти Суғд Фестивали ҷумҳуриявии дӯстии ҷавонон оғоз гардид
МАСЪУЛИЯТ БАРОИ ТАЪЛИМУ ТАРБИЯИ КӮДАК. Судяҳои ноҳияи Фирдавсӣ бо волидону хонандагон вохӯрӣ намуданд
Дар Душанбе оид ба нақши занон дар эҳёи суннатҳои наврӯзӣ форуми байналмилалӣ баргузор гардид
Байни Тоҷикистон ва Узбекистон дар соҳаи таҳсилоти касбӣ Ёддошти тафоҳум ба имзо расонида шуд
Пагоҳ Форуми байналмилалии «Нақши занон дар эҳёи суннатҳои наврӯзӣ» доир мегардад
«ЗАБОНИ МО – ҶАҲОНИ МО». Дар Тоҷикистон Анҷумани сеюми забоншиносон баргузор мегардад
