Барои пойгаи ғайриқонунӣ ронандагони автобус ҷарима ва аз кор озод шуданд
ДУШАНБЕ, 05.02.2021 /АМИТ «Ховар»/. Аз ҷониби милитсияи пойтахт муроҷиат ва навори ба Раёсати Вазорати корҳои дохилӣ дар шаҳри Душанбе ирсол намудаи як нафар сокини пойтахт мавриди санҷиш қарор гирифта, муайян карда шуд, ки ду ронандаи воситаи нақлиёти ҷамъиятии автобус, ки дар дохилашон мусофирони зиёде ҳузур доранд, байни ҳамдигар пойга намуда, ҳолати садамавӣ ба миён овардаанд. Дар ин бора аз маркази матбуоти Раёсати ВКД дар шаҳри Душанбе ба АМИТ «Ховар» хабар доданд.
Зимни санҷиш муайян карда шуд, ки ронандагони мазкур шаҳрвандон Бердиев Саидмумин Баҳриддинович-ронандаи автобуси тамғаи АКИА, рақами қайди давлатиаш 0023ТТ05 ва
Закиров Абдусалом Турсунқулович — ронандаи автобуси тамғаи АКИА, рақами қайди давлатиаш 8231 ТТ 05 мебошанд.
Бо назардошти ҳолати мазкур нисбат ба ҳарду ронанда бо моддаи 326 иловаи 1 қисми 1-и Кодекси ҳуқуқвайронкунии маъмурии Ҷумҳурии Тоҷикистон парвандаҳои маъмурӣ тартиб дода шуданд. Тибқи муқаррароти ин модда, барои кирдори содирнамуда ба ҳар ронанда дар алоҳидагӣ ҷарима ба андозаи аз 250 то 300 нишондиҳанда, баробар ба аз 14 ҳазору 500 сомонӣ то 17 ҳазору 400 сомонӣ бо маҳрум сохтан аз ҳуқуқи идораи воситаи нақлиёт ба муҳлати 2 сол таҳдид мекунад.
Ҳамзамон дар асоси фармоиши роҳбарияти Корхонаҳои воҳиди давлатии «Автобус 1» ва «Автобус 3» ронандагон Саидмумин Бердиев ва Абдусалом Закиров аз вазифаи ронандагӣ озод карда шуданд.
Илова бар ин, барои беназоратӣ, набурдани корҳои фаҳмондадиҳӣ байни ронандагон оид ба рияои ҳатмии талаботи Қоидаҳои ҳаракати роҳ нисбат ба нозирони бехатарии ҳаракати роҳи Корхонаҳои воҳиди давлатии «Автобус 1» ва «Автобус 3» тибқи талаботи моддаи 341 қисми 1-и Кодекси ҳуқуқвайронкунии маъмурии Ҷумҳурии Тоҷикистон маводи маъмурӣ тартиб дода шуда, барои минбаъд аз ҷониби ронандагони дигар такрор накардани ҳолатҳои мазкур амрномаҳои БДА супорида шуданд.
Бо истифода аз фурсат, Раёсати ВКД дар шаҳри Душанбе ба шаҳрванде, ки худро бетараф нагирифта, ҳолати пойгаи ронандагонро наворбардорӣ ва ҷиҳати баррасӣ ба мақомоти милитсияи пойтахт ирсол намудааст, изҳори сипос намуда, аз дигар шаҳрвандон хоҳиш менамояд, ки баҳри таъмини тартиботи ҷамъиятӣ бо мақомоти милитсия дар иртибот бошанд.
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
