Чеварони тоҷик аз коршиносони ширкати «Skilift Consulting»-и Ҳиндустон тарзу василаҳои дӯхти либос меомӯзанд
ДУШАНБЕ, 23.02.2021 /АМИТ «Ховар»/. Маркази тиҷорати байналмилалӣ барои 34 нафар мутахассисони корхонаҳои дӯзандагии Тоҷикистон зарфи шаш рӯз давраҳои омӯзишӣ доир ба беҳтар намудани фаъолияти чеварон ва баланд бардоштани сатҳи маҳсулнокии кори онҳоро баргузор менамояд. Ин мутахассисон дар оянда ба ҳайси мураббӣ донишҳои андӯхтаашонро ба ҳамкоронашон талқин менамоянд. Давраҳои омӯзишӣ охири моҳи феврал дар Душанбе ва аввали моҳи март дар Хуҷанд аз ҷониби коршиносони ширкати консалтингӣ аз Ҳиндустон — Skilift Consulting таҳия ва дарс дода мешаванд.
Ҳадафи ин давраҳо — омӯзиш додани равандҳои навтарини тарзу василаҳои дӯхти либос ба кормандони маҳаллӣ мебошад. Чеварон донишу маҳорати худро доир ба тарз ва раванди дӯхти либос сайқал дода, роҳҳои ноил гаштан ба натиҷаҳои беҳтар аз тариқи тағйир додани ҷараёни истеҳсолотро меомӯзанд. Дар баробари назария, гурӯҳи иштироккунандагон бо тамринҳои амалӣ доир ба мудирияти кормандон ва методологияи баргузории давраҳои омӯзишӣ барои дӯзандагон фаро гирифта мешаванд.
Мутахассиси ширкати Skilift Consulting Нантакумар Кандасамӣ мегӯяд, ки қарор аст ширкаткунандагони ин давраҳо донишҳояшонро ба ҳамкоронашон дар корхонаҳо ва донишгоҳҳо омӯзонанд. Ӯ мегӯяд: «Ҳадафи мо таълими равандҳои муосири тарзу василаҳои дӯхти либос ба чеварони ширкатҳои дӯзандагии Тоҷикистон мебошад. Бо истифода аз ин донишу малакаҳои нави ҳосилшуда мо интизор дорем, ки маҳсулнокиии кор дар ширкатҳо беш аз 20 фоиз боло меравад».
Инчунин мутахассисони Skilift аз 8 то 12 марти соли 2020 аз ширкатҳои шарики МТБ дар шаҳри Душанбе ва вилоятҳои Хатлону Суғд боздид мекунанд. Дар доираи ин ибтикор, ширкатҳои дӯзандагие, ки дар давраҳои омӯзишӣ иштирок намудаанд, нақшаи семоҳаи фаъолияти худро барои амалисозиии методологияи тренингҳо дар дохили ширкатҳо омода мекунанд.
Барномаи нассоҷӣ ва дӯзандагии Маркази тиҷорати байналмилалӣ (GTEX) – барномаи чаҳорсола буда, дар доираи он ба ширкатҳои нассоҷӣ ва дӯзандагии кишварҳои Тоҷикистон, Қирғизистон, Миср, Марокаш ва Тунис кумак расонида мешавад. Ҳадафи барнома пешбурди содироти маҳсулоти нассоҷию дӯзандагӣ ва фароҳам овардани шароит барои дарёфти имконияти даромад ва ҷойи кор мебошад.
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
