НИШАСТИ МАТБУОТӢ. Масъалаи хариду фурӯши замин ба яке аз масъалаҳои доғи рӯз табдил ёфтааст

Февраль 8, 2021 16:45

ДУШАНБЕ, 08.02.2021 /АМИТ “Ховар”/.  Имрӯз масъалаи истифода ва хариду фурӯши замин ба яке аз масъалаҳои доғи рӯз табдил ёфтааст,- гуфт Раиси Суди Олии Ҷумҳурии Тоҷикистон Шермуҳаммад Шоҳиён 8 феврал зимни нишасти матбуотӣ ба намояндагони воситаҳои ахбори омма.

-Новобаста аз эродҳои пайдарпайи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ҳамчунин чораҳои мушаххасе, ки аз ҷониби мақомоти ҳифзи ҳуқуқ дар ин самт пешбинӣ мегарданд, мутаассифона, содиршавии ин категория ҷиноятҳо дар ҷумҳурӣ кам нагардида истодаанд. Маҳз ҳамин ҳолат боиси нигаронии Сарвари давлат гардида, ҳам дар ироаи Паём ва ҳам дар маҷлиси ҷамъбастӣ ба сохтору мақомоти дахлдор дастуру супоришҳои ҷиддӣ доданд,-  афзуд мавсуф.

Ба андешаи Шермуҳаммад Шоҳиён, пешгирӣ намудани кирдорҳои ғайриқонунӣ  ва содиршавии ҷиноятҳо вобаста ба замин дар баробари дигар сохторҳо ба мақомоти судӣ низ дахл дорад.

Вақте ки дар анҷоми суд парвандаҳои мушаххас доир ба хариду фурӯши ғайриқонунии замин мавриди баррасӣ қарор дода мешаванд, бояд тамоми тадбирҳо андешида шаванд ва шахсе, ки ҷиноят содир кардааст, бояд ҷазои сазовор гирад. Барои пешгирӣ намудани содиршавии чунин ҷиноятҳо бояд аз ҷониби кормандони мақомоти судӣ корҳои фаҳмондадиҳӣ амалӣ карда шаванд.

“Чунин ҳодисаҳо солҳои охир асосан дар ноҳияи Рӯдакӣ, ноҳияҳои  атрофи шаҳри Душанбе, шаҳру ноҳияҳои вилоятҳои Суғду Хатлон бештар ҷой доранд. Вақте ки шахс ҳуҷчати ғайриқонунӣ қабул мекунаду дар натиҷа хариду фурӯши ғайриқонунии замин сурат мегирад, нисбат ба ӯ парвандаи ҷиноятӣ оғоз карда мешавад. Ин кори кардаи ӯ аз чашм дур намемонад. Зеро мақомоти прокуратура, корҳои дохилӣ, Агентии давлатии назорати молиявӣ ва мубориза бо корупсия тамоми тадбирҳоро меандешанд, то ин ки ҳама иштирокчиёни гурӯҳҳои ҷиноятӣ сари вақт ошкор шуда, ба ҷавобгарӣ кашида шаванд”,- иброз дошт Раиси Суди Олии Ҷумҳурии Тоҷикистон Шермуҳаммад Шоҳиён.

Февраль 8, 2021 16:45

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд