Ғолибони бозиҳои даври дуюми марҳилаи финалии Ҷоми ФФТ-2021 муайян шуданд

ДУШАНБЕ, 15.02.2021 /АМИТ  «Ховар»/. Бозии дуюми марҳилаи финалии Ҷоми ФФТ-2021  13 феврал дар Варзишгоҳи марказии шаҳри Ҳисор  байни дастаҳои футболи КМВА-и шаҳри Душанбе  ва «Равшан»-и шаҳри  Кӯбол баргузор шуд. Дар ин бора шореҳи варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Вохӯрии ин  дастаҳо хеле ҷолиб сурат гирифта, бо ҳисоби 2:1 ба фоидаи дастаи «Равшан»-и шаҳри  Кӯбол хатм шуд. Нахустин шуда дар дақиқаи 18-ум Аваз Қамчинов дастаи  «Равшан-ро ба пеш баровард. Аммо хурсандии футболбозони дастаи   «Равшан» дер давом накард, чаро ки дар дақиқаи 32-юм легионери  дастаи КМВА – Феликс натиҷаро баробар кард. Кӯшишу талошҳои футболбозони кӯлобӣ самар оварду дар дақиқаи 57-ум боз Аваз Қамчинов гол зада, ба дастааш пирӯзӣ овард. Баъди ин бозӣ дастаи футболи  «Равшан»-и шаҳри Кӯлоб  бо касби 6 хол дар зинаи дуюми ҷадвали гурӯҳи «А» қарор дорад.

Ёдовар  мешавем, ки дар даври сеюм  имрӯз, 15  феврал дастаи футболи  «Равшан»-и шаҳри Кӯлоб  бо  дастаи  «Истиқлол»-и шаҳри Душанбе рақобат мекунад.

Ҷоми ФФТ-2021

Марҳилаи финалӣ

Гурӯҳи «А». Даври 2-юм

КМВА – «Равшан» – 1:2

Голҳо: Аваз Қамчинов, 18 (0:1). Феликс Тиетзе, 36 (1:1). Аваз Қамчинов, 57 (1:2).

Аввалин иштирокчии даври нимниҳоии Ҷоми Федератсияи футболи Тоҷикистон муайян шуд. Дастаи  футболи  «Хатлон»-и шаҳри Бохтар, ки дар марҳилаи ниҳоии мусобиқа пай дар пай пирӯзии дуюм ба даст овард, дар гурӯҳи «В» мақоми аввалро касб кард ва ба даври ½-финалӣ баромад. Дар даври дуюми марҳилаи гурӯҳӣ дастаи «Хатлон» бар дастаи  «Регар-ТадЗ»-и шаҳри Турсунзода  бо ҳисоби 1: 0 ғолиб омад. Голи пирӯзиоварро Нуриддин Ҳамроқулов дар дақиқаи 86-ум ба   нишон расонид.

Дар гурӯҳи  «А» дастаи  футболи  «Истиқлол»-и шаҳри Душанбе намояндаи вилояти Суғд — дастаи  «Мастчоҳ»-ро бо натиҷаи калони  6:1  мағлуб намуд.

Ҷоми ФФТ-2021

Марҳилаи финалӣ

Гурӯҳи «А». Даври 2-юм

«Истиқлол» – «Мастчоҳ» – 6:1

Голҳо: Салам Ашурмамадов, 17 (1:0). Ромиш Ҷалилов, 25 (2:0). Салам Ашурмамадов, 27 (3:0). Салам Ашурмамадов, 31 (4:0). Рустам Соиров, 44 (5:0). Рустам Соиров, 69 (6:0). Дилшодбек Рустамзода, 90 (6:1).

Гурӯҳи «Б». Даври 2-юм

«Регар-ТадАЗ» – «Хатлон» – 0:1

Гол: Нуриддин Ҳамроқулов, 86.

15 феврал 

Гурӯҳи  «А»

10:30 – «Мастчоҳ» – КАВА.  Дар  варзишгоҳи марказии  шаҳри Душанбе,  

14:00 – «Равшан» – «Истиқлол». Дар  варзишгоҳи марказии  шаҳри Душанбе

Гурӯҳи  «Б»

10:30 – «Барқчи» – «Регар-ТадАЗ». Дар  варзишгоҳи марказии

шаҳри Ҳисор