Ориф Хоҷазода: Ҳамкорӣ бо сохторҳои қудратӣ ба кам шудани қонуншиканиҳо дар самти истифодаи замин мусоидат менамояд
ДУШАНБЕ, 05.02.2021 /АМИТ «Ховар»/. Назорати давлатии истифода ва ҳифзи замин яке аз самтҳои асосии фаъолияти Кумитаи давлатӣ буда, соли 2020 ҳамагӣ 11 ҳазору 798 ҳолати вайронкунии қонунгузории замин ошкор ва 9 ҳазору 42 ҳолати қонуншиканӣ дар маҳал бартараф карда шуд. Чунин гуфт Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода имрӯз зимни нишасти матбуотӣ.
Дар ин замина таъкид кардан ба маврид аст, ки Кумитаи давлатӣ дар якҷоягӣ бо мақомоти ҳифзи ҳуқуқ ва сохторҳои қудратӣ дар маҷмӯъ 1854 маротиба дар маҳалҳо ҷараёни риояи қонунгузории заминро мавриди санҷиш қарор дод. Чунин ҳамкорӣ ба нисбатан кам шудани қонуншиканиҳо ва сари вақт бартараф намудани он дар самти истифодаи замин мусоидат менамояд.
Вобаста ба ҳуҷҷатгузории ғайриқонунии заминҳо Раиси Кумита зикр кард, ки ин ҳақиқати талх аст ва афзуд, ки дар ҳақиқат қонуншиканӣ дар ин самт зиёд аст. Соли сипаригардида 870 ҳолат ба қайд гирифта шуд, ки ин нисбат ба соли 2019 зиёд мебошад.
Ҳамзамон зикр гардид, ки бо Қарори Ҳукумати Ҷумҳурии Тоҷикистон солҳои 2009-2020 барои бо қитъаҳои замини наздиҳавлигӣ таъмин намудани эҳтиёҷмандон ба мақомоти иҷроияи ҳокимияти давлатии шаҳру ноҳияҳо 30933, 63 гектар замин ҷудо карда шудааст. Аз майдони умумӣ ба ҳолати 1 январи соли равон майдони 22006, 81 гектар ба 236746 нафар эҳтиёҷмандон тақсим карда дода шуд, ки 57 фоизи шумораи умумии оилаҳои эҳтиёҷмандро ташкил медиҳад.
Зикр шуд, ки Кумитаи давлатии идораи замин ва геодезии Ҷумҳурии Тоҷикистон назоратро оид ба риояи қонунгузории замин ва самараноку оқилона истифода бурдани он боз ҳам пурзӯр намуда, дар ин самт корҳои муайяне ба сомон мерасонад.
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
