СУТ КАЙ ЭЪЛОН МЕКУНАД, КИ ПАНДЕМИЯ АНҶОМ ЁФТ? Дар ин бора намояндаи Созмони умумиҷаҳонии тандурустӣ дар Россия Мелита Вуйнович суҳбат кард

ДУШАНБЕ, 17.02.2021 /АМИТ «Ховар»/.  Кай режими ниқоб моли таърих хоҳад шуд, гунаҳои нави он чӣ хатар доранд ва кай коронавирус бемории маъмулии мавсимӣ хоҳад шуд? Тавре АМИТ «Ховар» иттилоъ медиҳад, дар ин бора намояндаи Созмони умумиҷаҳонии тандурустӣ (СУТ) Мелита Вуйнович дар мусоҳибаи ихтисосӣ бо Наила Аскер-зода дар шабакаи телевизионии «Россия 1» (ДАР АКС) гуфтааст.

«Мо таназзули ҳолатҳоро (сироятёбӣ бо коронавирусро — эзоҳи АМИТ «Ховар») дар саросари ҷаҳон панҷ ҳафта пай дар пай мушоҳида мекунем. Ҳанӯз пешгӯӣ кардан барвақт аст. Ба назари ман, ниқобҳо ҳамчун чораи гигиенаи шахсӣ ва муҳофизати одамони дигар боз чанд муддат лозим хоҳанд буд», — гуфт Вуйнович. Ба гуфтаи вай, ҳоло мавҷи дуввум дар тамоми ҷаҳон таназзулро нишон медиҳад. Масунияти дастаҷамъии кофӣ вуҷуд надорад, монеа ҳанӯз нест. «Агар мо беэҳтиётӣ кунем, шояд мавҷи сеюм фаро бирасад. Ин ба рафтори одамон вобаста аст ”, — ҳушдор дод намояндаи СУТ.

Дар посух ба саволи хабарнигор дар бораи ин ки Созмони умумиҷаҳонии тандурустӣ кай изҳор хоҳад кард, ки пандемия анҷом ёфт, коронавирус ба бемории мавсимӣ мубаддал шуд ва барои ин чӣ гуна шароит лозиманд, Мелита Вуйнович гуфт: «Ин басти СУТ нест, ин коршиносони хориҷӣ мебошанд, ки вазъияти эпидемиологиро баррасӣ мекунанд. Барои ин чанд меъёрҳо бояд мавҷуд бошанд: яке ин ки агар шумораи ҳамзамон беморшудагон дар тамоми минтақаҳои ҷаҳон то ҳадди эпидемиологӣ коҳиш биёбад. Аммо дар асл — он вақт фишор ба системаи тандурустӣ чунин нахоҳад буд, ки он ба фаъолияти мӯътадили системаи тандурустӣ халал бирасонад. Гуфтан душвор аст, ки кай чунин хоҳад шуд».

АКС аз бойгонӣ