Тактикаи нави минахобонии “Толибон” дар Кобул

ДУШАНБЕ, 23.02.2021 /АМИТ «Ховар»/ Амруллоҳ Солеҳ, муовини аввали президенти Афғонистон мегӯяд, ки “Толибон” (мамнӯъ дар Тоҷикистон) рӯзҳои охир аз усулҳои комилан нави минагузорӣ дар Кобул истифода мекунанд, иттилоъ додааст хабаргузории «Садои Амрико» -и Афғонистон darivoa.com.

Котиботи муовини аввали президенти Афғонистон рӯзи душанбеи 22 феврал бо истинод ба ҷаноби Солеҳ дар сафҳаи расмии ин ниҳод навиштааст, ки “Толибон” пармаҳои махсусро аз Покистон харидаанд» ва аз онҳо барои хобонидани минаҳо дар ҷодаҳо истифода мекунанд.

Ҷаноби Солеҳҳамчунон афзудааст: «Ин пармаҳоромаъмулан дар мошинҳои “Сароча”насб месозанд ва бо таваққуфи як то дудақиқаӣ онҳо метавонанд як сӯрохӣ бо чуқурии даҳ сантиметр дар рӯи роҳпарма кунанд. Бошитоб дар сӯрохӣ минае, ки ҳамранги роҳ аст, гузошта мешавад».

Ҷаноби Солеҳ инчунин гуфт, ки онҳо далелҳои мӯътамад доранд, ки “Толибон”пармаро аз Покистон ба Афғонистон интиқол додаанд ва ҳоло»ин равиши одамкушӣ ва террори онҳо ошкор шудааст».