Тоҷикистон азм дорад ба бозори Ҳиндустон роҳ ёбад
ДУШАНБЕ, 04.02.2021 /АМИТ «Ховар»/. Тоҷикистон азм дорад ҳамкории тиҷоратиро бо Ҳиндустон мустаҳкам ва молҳои худ-асосан маҳсулоти кишоварзиро ба ин кишвар содир кунад. Тавре АМИТ «Ховар» бо истинод ба Sputnik хабар медиҳад, дар ин бора 3 феврал раиси Палатаи савдо ва саноати Тоҷикистон Ҷамшед Ҷумъахонзода зимни нишасти хабарии ҳисоботӣ иттилоъ додааст.
«Боз як бозори бузурги ба мо наздик — ин Ҳиндустон аст. Дар айни ҳоло мо масъалаи ҳамкории тиҷоратиро бо ин кишвар меомӯзем” — гуфт ӯ.
Ба гуфтаи Ҷумъахонзода, Палатаи савдо ва саноат аллакай гомҳои нахустинро ҷиҳати ифтитоҳи бозори нави содиротӣ бардоштааст — бо намояндагони тиҷоратии Сафорати Ҳиндустон дар Тоҷикистон ва худи сафири ин кишвар мулоқот сурат гирифтааст.
«Мо бо намояндагони ин кишвар мулоқот намудем, то ин ки масъалаи кадом намуди маҳсулотро ба Ҳиндустон содир намуданро баррасӣ кунем. Мо бояд роҳҳои транзитро дида бароем ва муайян кунем, ки кадом маҳсулоти мо дар он ҷо бозоргир хоҳад буд», — гуфт роҳбари ПСС.
Пеш аз ҳама, Тоҷикистон роҳҳои заминиро ҷиҳати интиқоли маҳсулоти содиротӣ баррасӣ мекунад. Моли асосӣ, ки ҷумҳурӣ содироти онро ба нақша гирифтааст, маҳсулоти кишоварзӣ мебошад.
Ҷумъахонзода изҳори умедворӣ кард, ки ҳамкорӣ бо Ҳиндустон дар соли 2021 танзим хоҳад шуд.
Ёдовар мешавем, ки моҳи августи соли 2019 Тоҷикистон ва Ҳиндустон тақвияти фаъолияти Комиссияи байниҳукуматии Тоҷикистону Ҳиндустон оид ба ҳамкории тиҷоративу иқтисодӣ ва илмӣ-техникиро тарафдорӣ карданд.
АКС: Аз хадамоти матбуоти Президенти ҶТ
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
Президенти Тоҷикистон: «Дар 5 соли охир аз ҷониби низоми бонкии мамлакат беш аз 80 миллиард сомонӣ қарз дода шуд»
Ба иқтисодиёти вилояти Суғд 320,8 миллион доллари ИМА сармояи ватанию хориҷӣ ҷалб гардид
Тоҷикистон ва Эрон ҳамкории гумрукиро тақвият медиҳанд
