Вазири корҳои дохилӣ Рамазон Раҳимзода: Соли 2020 аз ҳама зиёд ҷиноятҳои дуздӣ ва қаллобӣ ба қайд гирифта шудаанд

Февраль 20, 2021 09:27

ДУШАНБЕ, 20.02.2021 /АМИТ «Ховар»/. Соли 2020 дар  мамлакат 107 ҷинояти одамкушӣ ва суиқасд ба он, қасдан расонидани зарари вазнин ба саломатӣ — 135, таҷовуз ба номус — 34, роҳзанӣ — 33, савдои одамон — 12, ғоратгарӣ — 161, авбошӣ — 1325, қаллобӣ — 2866, гардиши ғайриқонунии силоҳ — 44, дуздӣ — 6197, қочоқ ва гардиши ғайриқонунии воситаҳои нашъадор — 602 ва ҷиноят бо истифодаи силоҳ – 42 ҳолат ба ҳисоб гирифта шуданд.

Дар ин бора Вазири корҳои дохилии Ҷумҳурии Тоҷикистон Рамазон  Раҳимзода 19 феврал дар нишасти матбуотӣ иттилоъ дод.

-Дар ҷумҳурӣ 23 ҳазору 460 (2019 — 21 996)  ҷиноят ба қайд гирифта шуда, 18 ҳазору 887 адади он ошкор гардид. Аз тарафи мақомоти корҳои дохилӣ 15 ҳазору 542 ҷиноят ошкор ва ба қайд гирифта шуданд,-афзуд номбурда.

“Дар натиҷаи пурзӯр намудани ҳамкорӣ бо аҳолӣ соли 2020 дар ҷумҳурӣ 566 адад силоҳи оташфишон, аз ҷумла 54 адад автомат,  65 адад таппонча, 138 адад милтиқ ва карабин, 302 адад силоҳҳои суфтамил ва дигар лавозимоти ҷангӣ мусодира карда шуданд.

Миқдори силоҳи аз соли 1994 то ин ҷониб дар ҷумҳурӣ мусодирагардида 44 ҳазору 37 ададро ташкил медиҳад»,- тазаккур дод Вазир.

Рамазон  Раҳимзода афзуд, ки соли гузашта 2 ҳазору 71 нафар дар ҷустуҷӯ эълон гардида, аз ин шумора 1 ҳазору 973 нафарашон дастгир карда шуданд.

“Дастгирии пайваста ва таваҷҷуҳи хоссаи Сарвари давлат ба фаъолияти кормандони мақомоти корҳои дохилӣ  моро водор месозад, ки  бо иродаи устувору хастанопазир дар таъмини волоияти қонун,  ҳаёти осоиштаи  шаҳрвандон ва бар зидди  ҷинояткорӣ мубориза барем”,- таъкид намуд вазир.

Февраль 20, 2021 09:27

Хабарҳои дигари ин бахш

АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд
Дар роҳҳои Душанбе санҷишҳо гузаронида мешаванд