Вазири рушди иқтисод ва савдои ҷумҳурӣ бо Намояндаи доимии Барномаи рушди Созмони Милали Муттаҳид мулоқот намуд
ДУШАНБЕ, 24.02.2021 /АМИТ «Ховар»/. Вазири рушди иқтисод ва савдои ҷумҳурӣ Завқӣ Завқизода дар мулоқот бо намояндаи доимии Барномаи рушди Созмони Милали Муттаҳид /БРСММ/ Пратибха Меҳта дар Тоҷикистон дархост намуд, ки кумаку дастгириҳои БРСММ ва зерсохторҳои онҳо барои амалӣ намудани ҳадафу афзалияти стратегии Ҳукумати Ҷумҳурии Тоҷикистон ва барномаҳои давлатӣ бештар равона карда шаванд. Дар навбати худ хонум Пратибха Меҳта масъалаи мазкурро қобили дастгирӣ арзёбӣ намуда, омодагии худро ҷиҳати рушди ҳамкорӣ ва ҷалби маблағҳои бештари грантӣ барои татбиқи барномаҳои давлатии Ҷумҳурии Тоҷикистон изҳор намуд.
Дар вохӯрӣ мусоҳибон оид ба тадбирҳои андешидаи Ҳукумати Ҷумҳурии Тоҷикистон вобаста ба пешгирии таъсири хавфҳои берунӣ, бахусус паҳншавии пандемияи коронавируси COVID-19 дар ҷаҳон ва таъсири он ба соҳаи иқтисоди миллӣ табодули назар карданд.
Мусоҳибон омодагии худро барои густариши минбаъдаи ҳамкорӣ ҷиҳати пешгирии оқибатҳои пайомадҳои пандемияи COVID-19 ба соҳаҳои иқтисоди миллӣ, дастгирии Барномаи қолабии СММ оид ба рушд (ЮНДАФ), мусоидат барои низоми моделсозӣ ва дурнамосозии макроиқтисодӣ, амалишавии Барномаи миёнамуҳлати рушди Ҷумҳурии Тоҷикистон барои солҳои 2021-2025, Барномаи давлатии рушди содирот дар Ҷумҳурии Тоҷикистон барои солҳои 2021-2025 ва Барномаи иқтисоди рақамии Ҷумҳурии Тоҷикистон барои солҳои 2021-2025 баён намуданд.
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
