Як гурӯҳ ҷавонони шаҳри Ҳисор бо тартиби хизмати ҳаррӯзаи афсарон дар қисмҳои ҳарбӣ шинос шуданд
ҲИСОР, 18.02.2021 /АМИТ «Ховар»/. 16 феврал дар доираи таҷлили 28-умин солгарди таъсиси Қувваҳои Мусаллаҳи Ҷумҳурии Тоҷикистон дар шаҳри Ҳисор боздид ва шиносоии як гурӯҳ ҷавонону донишҷӯёни Литсейи касбии техникии шаҳри Ҳисор бо шароит ва ҷараёни иҷрои хизмати сарбозон дар қисми ҳарбии Қӯшунҳои сарҳадии КДАМ ҶТ ва қисми ҳарбии Вазорати мудофиаи Ҷумҳурии Тоҷикистон роҳандозӣ гардид. Ҷавонон зимни боздид бо шароити хизмати сарбозон аз наздик шинос шуда, аз тартиби хизмати ҳарбии ҳаррӯзаи афсарону сарбозон огаҳӣ пайдо намуданд.
Иқдоми мазкур бо ташаббуси раиси ташкилоти ибтидоии ҳизбии «Касбомӯз» Миҷгона Раҳимӣ дар ҳамбастагӣ бо бахши кор бо ҷавонон ва варзиш ва намояндагии ТҶҶ «Созандагони Ватан» сурат гирифт.
Зимни боздид аз ҷониби сарбозони қисми ҳарбии Қӯшунҳои сарҳадии КДАМ ҶТ ба қисмҳо ҷудо ва ҷамъ намудани яроқи оташфишон намоиш дода шуд, ки ба ҷавонон писанд афтод.
Дар фарҷом аз ҷониби бахши фарҳанги шаҳр баҳри болидарӯҳии афсарону сарбозони далеру шуҷои Ватан барномаи фарҳангӣ намоиш дода шуд.
Ҳадаф аз роҳандозӣ намудани шиносоии ҷавонон бо шароити хизмати ҳарбии сарбозон, пеш аз ҳама, баланд бардоштани ҳисси ватандӯстию хештаншиносӣ ва дар дили онҳо бедор намудани муҳаббату самимият ба Ватан – Модар аст. Зеро ҷавонон ҳамчун қувваи бузург ва неруи офаранда аз ибтидои солҳои соҳибистиқлолии Ҷумҳурии Тоҷикистон дар тамоми ҷабҳаҳои ҳаёт нақши ҳалкунанда дошта, минбаъд низ тақдири халқу Ватан дар дасти онҳост.
Барои ҷавонмард хизмат ба Ватан ва муҳофизати марзу буми он нишонаи нангу номуси баланд ва шарафу эътибори бузург аст. Артиш як навъ мактаби бузурги ҷавонмардию шуҷоат, далериву садоқат ва исботи муҳаббату самимият ба Ватани азизи худ мебошад.
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
Профессор Мурод Муродӣ: «Барои ислом худнамоӣ ва шуҳратпарастӣ бегона аст, мусулмони ҳақиқӣ амали хайрашро пинҳонӣ ба анҷом мерасонад»
Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
