ЧӢ ТАВР ТОҶИКИСТОН БАР КОРОНАВИРУС ПИРӮЗ ШУД. Кишварҳои ИДМ масунияти аҳолиро нисбат ба COVID-19 таҳқиқ мекунанд

Март 2, 2021 15:21

ДУШАНБЕ, 02.03.2021 /АМИТ «Ховар»/. Дар кишварҳои узви Иттиҳоди Давлатҳои Мустақил таҳқиқот оид ба масунияти аҳолӣ нисбат ба COVID-19, ба ибораи дигар таъсири муқовимат ба паҳншавии сироят дар баъзе мавзеъҳои  муайян оғоз ёфтааст, иттилоъ медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.

Нахуст арзёбии масуният нисбат ба вируси SARS-CoV-2 дар байни аҳолӣ дар Россия шурӯъ шуд. Дар айни замон, марҳилаи сеюми таҳқиқот дар арафаи анҷомёбист. Мувофиқи маълумоти мавҷуда, доираи таҳлили ташхисӣ 21%-74%-ро ташкил медиҳад; дар 6 минтақа сатҳи он аз 60% зиёд аст.

Чунин таҳқиқот дар Беларус, Қазоқистон ва Қирғизистон низ оғоз ёфтаанд.

Дар ҷаласаи ғайринавбатии Шӯрои ҳамоҳангсозӣ оид ба мушкилоти муҳофизати санитарии қаламрави кишварҳои узви Иттиҳоди Давлатҳои Мустақил аз воридот ва паҳншавии бемориҳои сироятии махсусан хатарнок, ки 24 феврал баргузор гардид, зарурати идомаи таҳқиқоти масунияти аҳолӣ нисбат ба COVID-19 дар кишварҳои ИДМ қайд карда шуд.

Ба фикри аъзои Шӯро, маълумоти мазкур барои муайян кардани хусусияти раванди эпидемиологӣ, таҳияи дурнамои рушди вазъи эпидемиологӣ дар як давлат ва дар маҷмӯъ дар Иттиҳод ва инчунин банақшагирии чорабиниҳо ҷиҳати пешгирии махсус ва ғайримахсуси коронавирус мусоидат хоҳад кард.

Дар ҷаласа намояндагони Арманистон, Озарбойҷон, Беларус, Қазоқистон, Қирғизистон, Россия, Ӯзбекистон, Дафтари минтақавии СУТ дар Аврупо ва Кумитаи иҷроияи ИДМ ширкат варзиданд.

Коршиносон зикр карданд, ки шиддати раванди эпидемияи COVID-19 дар маҷмӯъ ҳам дар ҷаҳон ва ҳам дар ИДМ коҳиш меёбад ва ин имкон медиҳад, ки тадриҷан чораҳои маҳдудкунанда бекор карда шаванд. Аз ҷумла, шумораи гирифторони COVID-19 дар кишварҳои узви ИДМ дар як моҳи охир каме дар Ӯзбекистон (1,02 маротиба) ва дар Беларус (1,2 маротиба) афзудааст. Дар Тоҷикистон ягон ҳолати нав сабт нашудааст. Ҳар рӯз афзоиши начандон калон ба 100 ҳазор аҳолӣ дар як моҳи охир дар Беларус, Молдова, Россия ба қайд гирифта мешавад. Аз рӯи шумораи рӯйдодҳо ба 100 ҳазор аҳолӣ Арманистон дар ҷои аввал (5 726 ба 100 ҳазор), аз рӯи фавт — Молдова (2,1%) қарор доранд. Бештар аз ҳама озмоишҳои лабораторӣ ба сари 1 миллион аҳолӣ дар Россия (беш аз 730 ҳазор) ва Беларус (беш аз 500 ҳазор) гузаронида шудаанд.

Зикр шуд, ки айни замон дар кишварҳои узви ИДМ сатҳи пасти бемориҳои сироятии шадиди роҳҳои нафас ва зуком ба қайд гирифта мешавад. Ҳолатҳои ҳамзамон ҷараён ёфтани зуком ва сирояти нави коронавирус дар беморон сабт нашудааст.

Аъзои Шӯрои ҳамоҳангсозӣ зарурати идома додани мубодилаи фаврии иттилоотиро дар бораи вазъи COVID-19 дар кишварҳои узви ИДМ, аз ҷумла табодули маълумоти нави илмӣ оид ба эпидемиология, ташхиси лабораторӣ, табобат, пешгирии COVID-19, инчунин мониторинги гардиши гунаҳои аз ҷиҳати генетикӣ тағйирёфтаи коронавируси навро қайд карданд.

Тасмим гирифта шуд, ки ҷаласаи навбатии Шӯрои ҳамоҳангсозӣ дар шакли  видеоконфронс дар моҳи апрел баргузор карда шавад.

Март 2, 2021 15:21

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»