Дар Кумитаи бехатарии озуқаворӣ бахшида ба Рӯзи умумиҷаҳонии ҳимояи ҳуқуқи истеъмолкунандагон ҳамоиш доир шуд
ДУШАНБЕ, 15.03.2021 /АМИТ «Ховар»/. 13 март бахшида ба Рӯзи умумиҷаҳонии ҳимояи ҳуқуқи истеъмолкунандагон, ки ҳамасола 15 март таҷлил мешавад, дар Кумитаи бехатарии озуқавории назди Ҳукумати Ҷумҳурии Тоҷикистон оид ба ҳимояи ҳуқуқи истеъмолкунандагон, таъмини бехатарии озуқаворӣ ва баланд бардоштани маданияти истеъмолии шаҳрвандон суҳбати «мизи мудаввар» доир шуд.
Тавре аз Кумитаи мазкур ба АМИТ «Ховар» хабар доданд, дар ҳамоиш муовини раиси Кумитаи бехатарии озуқаворӣ Ҳабибулло Қаландарзода доир ба ҳимояи ҳуқуқи истеъмолкунандагон дар мамлакат зикр намуд, ки аз ҷониби Кумита бо мақсади огаҳӣ пайдо кардани ҷомеаи шаҳрвандӣ ва баланд бардоштани маданияти истеъмолии онҳо дар тамоми шаҳру ноҳияҳои ҷумҳурӣ шиору овезаҳо ва китобчаҳои тарғиботию ташвиқотӣ омода намуда, пешниҳоди аҳолӣ гардонида мешаванд.
Ҳабибулло Қаландарзода иброз намуд, ки нақши асосии Кумита- ин таъмини бехатарии маҳсулоти озуқаворӣ, пешгирии ба муомилот баровардани маҳсулоти пастсифат ва татбиқи чорабиниҳои пешгирикунандаи бемориҳои сироятии ҳайвонот ва организмҳои зараррасонии карантинии растанӣ мебошад ва мақомоти ҳудудии Кумита дар вилоятҳо ва шаҳру ноҳияҳои ҷумҳурӣ ин сиёсатро амалӣ менамоянд.
Бо мақсади ҳимояи манфиатҳои ҳуқуқи истеъмолкунандагон имрӯз дар тамоми бозорҳои истеъмолӣ ва нуқтаҳои бузурги фурӯши маҳсулоти озуқаворӣ 65 адад озмоишгоҳҳои таъминоти бехатарии озуқаворӣ, Маркази миллӣ ва 22 адад марказҳои ташхиси бехатарии озуқаворӣ дар шаҳру ноҳияҳои ҷумҳурӣ фаъолият мебаранд. Ҳамзамон бо мақсади таъмини бехатарии онҳо ҳамарӯза тамоми маҳсулоти озуқаворие, ки ба бозорҳои истеъмолӣ ворид мегарданд, санҷиш ва назорат бурда мешавад.
Ҳамчунин дар ҷамъомад вобаста ба таъмини маҳcулоти озуқаворию таъмини бехатарии онҳо ва ҳимояи ҳуқуқи истеъмолкунандагон сардорони Раёсату шуъба ва намояндагони вазорату идораҳои давлатӣ, намояндаи Агентии «Тоҷикстандарт» сухан гуфта, пешниҳод намуданд, ки миёни сохторҳои соҳавӣ дар самти расидан ба амнияти озуқаворӣ ва бехатарии он, ки яке аз ҳадафҳои стратегии Ҳукумати Ҷумҳурии Тоҷикистон аст, беҳтар мешуд, ки ҳамоҳангии ягона ташкил карда шавад.
Дар Риёз байни Ҷамъияти Ҳилоли Аҳмари Тоҷикистон ва Маркази имдоди Малик Салмон созишнома ба имзо расид
ОБ ВА САЛОМАТИИ ИНСОН. Нӯшидани оби тоза умри одамро ба ҳисоби миёна 15-20 сол зиёд менамояд
Чӣ тавр метавон интернети хонагиро бо нархи муфид пайваст намуд
Имсол дар хоҷагиҳои деҳқонии шаҳри Панҷакент дар 3900 гектар картошка кишт карда мешавад
Имрӯз дар Тоҷикистон бориши борон ва барф дар назар аст
Вобаста ба фаъолияти китобхонаҳо дар шароити ҷаҳонишавии технологияҳои муосир ҳамоиш баргузор шуд
«КИТОБ БАРОИ МУҲОФИЗОНИ ВАТАН». Донишкадаи тарбияи ҷисмонии Тоҷикистон ба сарбозон 1000 китоб тақдим намуд
Дар Парки инноватсионии саноатию технологии Дарвоз нӯшоба аз хуч ва чой бо таъми шафтолу истеҳсол мегардад
Дар Минск ҷаласаи навбатии Шурои намояндагони доимии кишварҳои аъзои ИДМ баргузор мешавад
Африқои Ҷанубӣ бо бузургтарин қатъи неруи барқ дучор шудааст
«КАДБОНУИ БЕҲТАРИН». Дар Кӯлоб даври шаҳрии озмун ҷамъбаст гардид
