Дар Тоҷикистон соли гузашта даромади операторони хусусии алоқа афзоиш ёфт

Март 2, 2021 15:16

ДУШАНБЕ, 02.03.2021 /АМИТ «Ховар»/.  Даромади операторони хусусии алоқаи Тоҷикистон соли гузашта 142 млн сомонӣ афзоиш ёфт, хабар медиҳад Агентии омори назди Президенти Ҷумҳурии Тоҷикистон.

Масалан, соли 2020 ҶСП «Индиго Тоҷикистон» («Tcell»), ҶСП «ТТ-Мобайл» («МегаФон Тоҷикистон»), ҶСП «Вавилон Мобайл» ва ҶДММ «Таком» («ZetMobile», собиқ Beeline»), дар маҷмӯъ 2 миллиарду 551 млн сомонӣ даромад ба даст оварданд. Дар соли пешини 2019 даромади умумии онҳо 2 миллиарду 409 млн сомониро ташкил дода буд.

Зимнан, даромади воҳидҳои миллии оператори алоқа «Тоҷиктелеком», КВД «Почтаи Тоҷик» ва бахшҳои Хадамоти алоқа, баръакс, 88 млн сомонӣ коҳиш ёфтаааст: аз 268 млн сомонӣ дар соли 2019 то 180 млн сомонӣ дар соли 2020.

Шумораи дастгоҳҳои телефонии системаи ШСКТ «Тоҷиктелеком» 279 ҳазор ададро ташкил дод, ки 84,7% онҳо телефонҳои хонагӣ мебошанд.

Коршиносон афзоиши даромади операторони хусусиро дар соли 2020 ба болоравии нархи хизматрасонии мобилӣ дар семоҳаи дуюми соли гузашта ва инчунин ба пандемияи коронавирус, ки бар асари он бисёр одамон ба таври фосилавӣ кор мекарданд ва бинобар ин алоқаи мобилӣ ва интернети мобилиро бештар истифода мекарданд, вобаста медонанд.

Вазни қиёсии операторони хусусӣ дар бозори алоқаи ҷумҳурӣ соли гузашта 93,4% -ро ташкил дод. Теъдоди корбарони Интернет аввали соли равон беш аз 3,3 млн ва муштариёни мобилӣ беш аз 6 млн нафарро ташкил намуд.

Март 2, 2021 15:16

Хабарҳои дигари ин бахш

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид
«GREEN AUTO». Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2023–2028» ба пешрафти ин соҳа мусоидат менамояд
Хазинаи байналмилалии асъор: соли 2023 сеяки иқтисоди ҷаҳон ба таназзул дучор хоҳад шуд
Бо мақсади пешгирӣ аз чангу ғубор дар ноҳияи Шаҳритус дар зиёда аз 200 гектар ниҳоли саксаул шинонида шуд
ИҚТИСОДИЁТИ ТОҶИКИСТОН АЗ ҲАМА БЕШ РУШДЁБАНДА МЕШАВАД. Бонки рушди Авруосиё афзоиши рекордии ММД дар Тоҷикистонро барои соли 2023 пешгӯӣ кардааст
Россия интиқоли маҳсулоти нафтиро ба Тоҷикистон бидуни боҷ афзоиш медиҳад
Дурнамои муносибатҳои дуҷонибаи тиҷоратӣ миёни Тоҷикистон ва вилояти Қашқадарёи Узбекистон баррасӣ шуд
«CRAFT FAIR UZBEKISTAN 2022». Намояндагони Тоҷикистон дар ин ярмаркаи байналмилалӣ иштирок мекунанд
Дар Душанбе ҷаласаи понздаҳуми Кумитаи ҳамоҳангсоз оид ба содагардонии расмиёти савдо баргузор гардид
Беҳтарин содироткунандагони Тоҷикистон қадрдонӣ гардиданд
Бори нахуст ширкатҳои дӯзандагии Тоҷикистон маҳсулоти худро дар «ISPO-Munich» ба намоиш мегузоранд
СҶС коҳиши тиҷорати ҷаҳониро дар соли 2023 пешгӯӣ мекунад