Ғизои хонандагони мактабҳои чанд ноҳия дар ҷануби Тоҷикистон беҳтар карда мешавад
ДУШАНБЕ, 19.03.2021 /АМИТ «Ховар»/. Дар баъзе ноҳияҳои минтақаи Кӯлоби вилояти Хатлон давоми 3 сол ғизои хонандагони мактабҳо беҳтар карда мешавад, хабар медиҳад маркази матбуоти Вазорати молияи Ҷумҳурии Тоҷикистон.
Бо ин мақсад 17 март дар шакли видеоконфронс ҳайати Ҳукумати Тоҷикистон ва намояндагони Фонди байналмилалии рушди кишоварзӣ (ФБРК) лоиҳаи «Дастгирии ғизои мактабӣ»-ро баррасӣ карданд.
Ҳайати Тоҷикистонро Вазири молия Файзиддин Қаҳҳорзода ва ҳайати ФБРК -ро Микаэл Каутту, директори кишварии Фонд дар Ҷумҳурии Тоҷикистон роҳбарӣ намуданд.
Ҳадафи лоиҳа беҳтар намудани ғизои хонандагони мактабҳо дар деҳоти ҷумҳурӣ тавассути татбиқи усулҳои нави истеҳсоли маҳсулоти кишоварзӣ ва зироати дорои арзиши беҳтаркардашуда, инчунин беҳтар кардани шароити санитарию гигиенӣ дар мактабҳо мебошад.
Давоми 3 сол 28 мактаб ва 3000 хонандаи мактабҳои деҳоти кишвар дастгирӣ карда мешаванд.
Маблағи умумии лоиҳа 1 320 000 доллар маблағҳои грантиест, ки ФБРК аз ҳисоби Федератсияи Россия ҷудо кардааст.
Дар фарҷоми гуфтушунид матни Созишнома дар бораи маблағгузории лоиҳа ба мувофиқа расонида шуда, санад тартиб дода шуд.
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
