Комиссияи 17-уми байниҳукуматии Тоҷикистон ва Россия баробарарзишии дараҷаву унвонҳои илмиро баррасӣ намуд
ДУШАНБЕ, 26.03.2021 /АМИТ «Ховар»/. Аз 23 то 25 март дар доираи татбиқи бандҳои дахлдори Комиссияи 17-уми байниҳукуматии Ҷумҳурии Тоҷикистон ва Федератсияи Россия оид ба масъалаҳои тиҷоративу иқтисодӣ гурӯҳи кории Федератсияи Россия барои баррасии масъалаҳои лоиҳаи Созишнома байни Ҳукумати Ҷумҳурии Тоҷикистон ва Ҳукумати Федератсияи Россия дар бораи эътироф ва баробарарзишии дараҷаву унвонҳои илмӣ дар Ҷумҳурии Тоҷикистон қарор дошт.
Тавре аз маркази матбуоти Вазорати маориф ва илми мамлакат ба АМИТ «Ховар» иттилоъ доданд, 24 март бо иштироки Президенти Академияи миллии илмҳои Тоҷикистон Фарҳод Раҳимӣ, муовини якуми Вазири маориф ва илм Муҳаммаддовуд Саломиён, раиси Комиссияи олии аттестатсионии назди Президенти Ҷумҳурии Тоҷикистон Абдулҳаким Розиқзода, сардори департаменти аттестатсияи кормандони илмӣ ва илмӣ-педагогии Вазорати илм ва таҳсилоти олии Федератсияи Россия Сергей Пахомов, муовини роҳбари Дирексияи байналмилалӣ Елена Горожанкина, котиби аввали илмии Комиссияи олии аттестатсионӣ Игор Матскевич ва дигар шахсони масъул мулоқот сурат гирифт.
Дар ҷараёни мулоқот оид ба эътироф ва баробарарзишии дараҷаву унвонҳои илмӣ байни кишварҳо муколамаи созанда доир шуд. Зикр гардид, ки ҷониби Россия дурнамои муқоисаи унвону дараҷаҳои илмиро дар доираи Созишномаи алоҳида ба таври мукаммал тасдиқ мекунад.
Ҳамчунин пешниҳод карда шуд, ки барои омӯзиши минбаъдаи ин масъала, аз ҷумла, заминаи меъёрии ҳуқуқии ҷонибҳо ва имконоти имконпазири ҳамкории зич дар самти эътироф ва баробарарзишии дараҷаву унвонҳои илмӣ гурӯҳи корӣ таъсис дода шавад.
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
Дар Китобхонаи миллии Тоҷикистон оид ба ҳамкории фарҳангии Тоҷикистон ва Фаронса мулоқот доир шуд
НИШАСТИ МАТБУОТӢ. Олимони Академияи миллии илмҳои Тоҷикистон 30 патент барои ихтироъ ба даст оварданд
Филмҳои таҳиянамудаи «Тоҷикфилм» соҳиби 20 ҷоизаи байналмилалӣ гардиданд
Дар Теҳрон дар мавзуи «Мероси адабии Рӯдакӣ» нишасти илмию адабӣ баргузор гардид
«ФЕҲРИСТИ НОМҲОИ МИЛЛИИ ТОҶИКӢ». Кумитаи забон ва истилоҳот ба 330 муроҷиаткунанда барои номгузории фарзандон хулосаи рад дод
НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
Таълимгирандагони «Ворисони Куруши Кабир» дар Осорхонаи миллӣ бо таъриху тамаддуни тоҷикон шинос шуданд
Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
АРҒУШТИ СИТОРАГОН БУВАД ДАР ЧАКАНАТ. Чаро баъзе аз духтарон дар пӯшидани либос ба фарҳанги бегона рӯ меоранд?
