Коршиносони мақомоти салоҳиятдори СҲШ тақвияти ҳамкорӣ дар мубориза бо гардиши ғайриқонунии прекурсорҳоро баррасӣ карданд
ДУШАНБЕ, 11.03.2021 /АМИТ «Ховар»/. Дар доираи раёсати Тоҷикистон дар Созмони ҳамкории Шанхай имрӯз ҷаласаи гурӯҳи кории коршиносон оид ба назорати прекурсорҳои Машварати роҳбарони мақомоти салоҳиятдори давлатҳои узви СҲШ, ки ба мубориза бо гардиши ғайриқонунии маводи нашъаовар ваколатдор шудаанд, тариқи онлайн баргузор гардид. Сардори шуъбаи назорати муомилоти маводи нашъаовар ва пешгирии нашъамандии Агентӣ, полковники хадамоти назорати маводи нашъаовар Бозоралӣ Сафарализода дар мулоқоти мазкур Ҷумҳурии Тоҷикистонро намояндагӣ намуд.
Дар ин бора аз Агентии назорати маводи нашъаовар ба АМИТ “Ховар” иттилоъ доданд.
Коршиносони мақомоти зиддимухаддиротии давлатҳои узви СҲШ бандҳои дахлдори лоиҳаи Нақшаи корӣ (2021-2023) оид ба татбиқи Барномаи амал оид ба татбиқи Стратегияи зидди маводи нашъаовари кишварҳои узви Созмони ҳамкории Шанхай барои солҳои 2018-2023-ро, ки ба ин гурӯҳ вобаста буданд, муҳокима карданд.
Ҳамчунин дар ҷаласаи мазкур иштирокчиён масъалаҳои рушду тақвияти ҳамкории муштаракро дар самти мубориза бо муомилоти ғайриқонунии прекурсорҳо баррасӣ намуда, андешаҳои худро иброз доштанд.
Дар хотима оид ба масъалаҳои баррасигардида қарорҳои дахлдор қабул карда шуданд, ки онҳо дар санади ҷаласа дарҷ гардиданд.
Дар Тоҷикистон барои коҳиши хатари офатҳои табиӣ беш аз 19 миллион сомонӣ ҷудо гардид
Дар Тоҷикистон сатҳи нашъамандӣ коҳиш ёфтааст
Маркази робитаҳои ҷамъиятии Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон хабар медиҳад
НИШАСТИ МАТБУОТӢ. Дар Тоҷикистон мусодираи моддаҳои психотропии синтетикӣ зиёд гардидааст
Бо кормандони мақомоти корҳои дохилӣ дар вилояти Хатлон оид ба пешгирии омилҳои номатлуб вохӯрӣ доир шуд
Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
НИШАСТИ МАТБУОТӢ. Соли 2024 216 тоннаю 787 килограмм маводи пастсифат мусодира ва нобуд гардид
Дар Душанбе таҳти унвони «Созмони ҳамкории Шанхай: дар роҳи ҷомеаи солим бе маводи мухаддир» ҳамоиши байналмилалӣ доир шуд
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
